Click Here to Submit your Advertisement

धर्म, संस्कृति, परम्परा, तथा राजसंस्थाप्रति समर्पित

कस्ता प्रकारका विवाहहरु कानूनी रुपमा बदर हुन्छ

Main News
अधिवक्ता बिसान्त शाक्य
विवाह सम्बन्धी कसूर
विवाह भनेको एउटा पुरुष र महिला बीचको पति पत्नीको सम्बन्धलाई सामाजिक, रितिरिवाजवाट स्वीकृत गरिएको बन्धन हो । विवाह गर्नु एउटा स्वतन्त्र र कानुनी हक हो तर कहिल्यै काहिँ विवाह गर्दा वा गराएमा पनि सजाय हुन्छ । मुलुकी फौजदारी संहिता २०७४ ले कस्तो विवाह गर्दा वा कुन कुन अवस्थामा विवाह गर्दा सजाय हुने भन्ने विभिन्न व्यवस्थाहरु गरेको छ । त्यस्तो कसुर भएमा जरिवाना वा कैद सजाय वा दुवै सजाय पनि हुन सक्नेछ ।
मञ्जुरी विना विवाह गर्न नहुने ः
विवाह गर्ने व्यक्तिहरुको मञ्जुरी विना कसैले कसैलाई विवाह गर्न वा गराउन हुँदैन । यदि कसैको मञ्जुरी विना विवाह भएमा त्यस्तो विवाह बदर हुनेछ ।
त्यस्तो कसूर गर्ने व्यक्तिलाई दुई वर्ष सम्म कैद र बीस हजार रुपैयाँसम्म जरिबाना हुनेछ । तर २० वर्ष उमेर पूरा नभएको व्यक्तिले दिएको मञ्जुरीलाई मञ्जुरी मानिने छैन ।
हाडनातामा विवाह गर्न नहुने ः
कसैले परम्परा अनुसार चली आएको अवस्थामा बाहेक हाडनाता करणीमा सजाय हुने नातामा विवाह गर्न वा गराउन हुँदैन । यदि कसैले हाडनाता को विवाह हो भनि थाहा नपाई गरेकोे रहेछ भने त्यस्तो विवाह बदर हुनेछ ।
तर कसैले हाडनाताको विवाह हो भनि थाहा पाइ जानीजानी विवाह गरेको रहेछ भने त्यस्तो विवाह गर्नेलाई हाडनाता करणीको कसूरमा हुने सजाय र गराउनेलाई तीन महिनासम्म कैद वा तीन हजार रुपैयाँसम्म जरिबाना वा दुवै सजाय हुनेछ र त्यस्तो विवाह स्वतः वदर हुनेछ ।
बाल विवाह गर्न नहुने ः
विवाह गर्ने व्यक्तिको उमेर बीस वर्ष नपुगी कसैले विवाह गर्न वा गराउन हुँदैन । कसैले उमेर नपुगी विवाह गरेमा वा कसैले उमेर नपुगेको व्यपक्तिलाई विवाह गराइदिएमा त्यस्तो विवाह स्वतः बदर हुनेछ । त्यसरी उमेर नपुगी विवाह गर्ने वा गराउने व्यक्तिलाई तीन वर्षसम्म कैद र तीस हजार रुपैयाँसम्म जरिबाना हुनेछ ।
विवाहमा लेनदेन गर्न नहुने ः
आफ्नो परम्परादेखि चली आएको सामान्य उपहार, भेटी, दक्षिणा वा शरीरमा लगाएको एकसरो गहना बाहेक विवाह गर्ने दुलहा वा दुलहीका तर्फबाट कुनै किसिमको चल, अचल, दाइजो वा कुनै सम्पत्ति माग गरी वा लेनदेन शर्त राखी विवाह गर्न वा गराउन हुँदैन ।
त्यसरी कुनै लेनदेन शर्त राखि विवाह गर्न वा गराउने व्यक्तिलाई तीन वर्षसम्म कैद वा तीस हजार रुपैयाँ सँम्म जरिबाना वा दुवै सजाय हुनेछ । कसैले विवाह गरी सकेपछि कुनै चल, अचल सम्पत्ति वा दाइजो माग गर्न वा त्यस्तो चल, अचल सम्पत्ति वा दाइजो नदिएको कारणले दुलही वा निजका नातेदारलाई कुनै किसिमले हैरान पार्न, सताउन वा कुनै अमानवीय वा अपमानजन्य व्यवहार गर्न हुँदैन । यदि त्यस्तो कुनै कसूर गरेमा त्यस्तो व्यक्तिलाई पाँच वर्षसम्म कैद वा पचास हजार रुपैयाँसँ म्म जरिबाना वा दुवै सजाय हुनेछ । यदि कुनै व्यक्तिले विवाह पश्चात त्यसरी कुनै सम्पत्ति लिएकोमा त्यस्तो सम्पत्ति सम्बन्धित व्यक्तिलाई फिर्ता दिनु पर्नेछ ।
वहुविवाह गर्न नहुने ः
विवाहित पुरुषले वैवाहिक सम्बन्ध कायम रहेको अवस्थामा अर्को विवाह गर्नु हुँदैन । कुनै पुरुष विवाहित हो भन्ने जानीजानी त्यस्तो पुरुषसँग कुनै महिलाले विवाह गर्नु हुँदैन । तर पति पत्नीले कानून बमोजिम अंशवण्डा गरी भिन्न भएमा पुरुष वा महिलाले पुनः विवाह गर्न सक्नेछ । यदि कसैले जानीजानी पुरुष वा महिला विवाहित छ भनि थाहा पाइकन पनि विवाह गरेमा त्यस्तो कसूर गर्ने वा गराउने व्यक्तिलाई एक वर्षदेखि पाँच वर्षसम्म कैद र दश हजार रुपैयाँदेखि पचास हजार रुपैयाँसम्म जरिबाना हुनेछ । त्यसरी गरेको विवाह स्वतः बदर हुनेछ ।
विवाह सम्बन्धी मुद्दा दायर गर्ने हदम्याद ?
यदि कुनै व्यक्तिले विवाह सम्बन्धी कसूर भए गरेको कुरा थाहा पाएमा सो मितिले तीन महिना नाघेपछि उजुर गरेमा लाग्ने छैन ।
( अधिक जानकारी चाहिएमा अधिवक्ता बिसान्त शाक्यसंग सम्पर्क गर्नुकोलागी उहाँको मो. नं ९८४३१०१५२४ ) इमेल ः bisant.shakya@gmail.com

अब तत्काल मठ मन्दिरहरु सरकारले सुचारु गराउनु पर्छ

Main News
बिसन्तर शाक्य
नेपालमा अहिले कोरोनाको संख्या बढेर ५५ हजार नाघेको छ भने मृत्यु हुनेहरुको संख्या ३६० पुगेको छ । जसले गर्दा सरकारले उपत्यका लगायत नेपालका अधिकाँस जिल्लाहरुमा निषेधाज्ञा जारी गरिराखेको अवस्था रहेको छ । कोरोना संक्रमणबाट बच्ने उपाय भनेको नै समाजिक दूरी, माक्स लगाउनु तथा साबून पानीले समय समयमा हात धुने भनेर विश्वब्यापी रुपमा प्रचार तथा यसलाई पालना गरिराखेको छ । यसको औषधी अहिले सम्म विश्वका कुनै पनि मे हुँ भन्ने देशहरुले बनाउन सकिरहेको छैन ।
कोरोना संक्रमण हुने भनेको नै सामाजिक दूरी कायम गर्ने भनेर भनिएको समयमा नेपालमा कर कार्यालय, यातायात कार्यालयमा यसको कुनै परिपालना भएको छैन । तर नेपाली जनतालाई भने घरबाट बाहिर आउन हुँदैन भनेर नजरबन्द गरिराखेको अवस्था छ । कर कार्यालय कर असुल्ने सरकारी निकायमा जतिसुकै भिडभाड गरे पनि कोरोना नहुने तर जनता घरबाट निस्केमा कोरोना हुने सरकारी कार्यले कतै कोरोना नै छैन कि भन्ने शंकाउपशंका पनि गर्न थालेको छ । त्यसमा पनि भक्तपुरमा गाइजात्राको दिन भक्तपुर पूर्णरुपले जात्रमामय भएको थियो , जसले गर्दा भक्तपुर पुरै कोरोना संक्रमित हुनु पर्ने हो तर भएको देखिन्न । ललितपुरमा पनि करुणामयको रथ तान्ने क्रममा र झडपको अवस्थामा भएको भिडले ललितपुर जिल्ला नै कोरोना संक्रमित हुने शंका तथा डर उत्पन्न भएको थियो तर ललितपुरमा पनि कसैलाई कोरोनाले संक्रमित भएको खबर आएन ।
यसरी माथि उल्लेखित घटनाहरुलाई हेर्ने हो भने कोरोना संक्रमण हुने भनिएको सामाजिक दूरी, माक्स लगाउनु तथा साबून पानीले समय समयमा हात धुने भनेर विश्वब्यापी रुपमा प्रचार गलत भएको त छैन भनेर सोच्नु पर्ने अवस्था पनि आएको छ । त्यसमा पनि उपत्यका तीन जिल्लाहरुमा प्रत्येक दिन एकै प्रकारको कोरोना संख्या आउनु र यूरोप जस्तो विकसित देशहरुमा पनि कोरोनाको भ्रम फैलाएको भन्दै हजारौं जनता सडकमा आएर विरोध गरेको घटना पनि ताजै रहेको छ । जब यूरोपमा कोरोनाको विरुद्ध र विश्व स्वास्थ्य संगठन विरुद्ध आवाज बुलन्द भए तब विश्व स्वास्थ्य संगठनले माक्स पनि लगाउनु पर्दैन र सामाजिक दूरी पनि कायम गर्नु पर्दैन भनेर भन्नुले यो कोरोना कतै राजनीतिक षडयन्त्र वा व्यापारिक षडयन्त्र त होइन भनेर पनि अहिले चर्चा परिचर्चा हुन थालेको छ ।
हुनत कोरोना भन्ने रोग नभएको होइन छ तर अहिले कोरोनालाई जसरी भयाबह बनाएर मानिसलाई त्रसित बनाउन खोजिएको छ त्यो चाहिं होइन भन्ने कुरा विस्तारै पुष्ठि हुँदै आएको छ । त्यसैगरि प्रधानमन्त्री ओली पनि कोरोनालाई अन्य सामान्य रोग जस्तै हो भनेर भनीरहेको कुरा अहिले आएर वास्तमा नै हो की भन्ने चर्चा पनि चलेको छ । त्यसैले अहिले नेपालमा कोरोनाको घटनाक्रमलाई हेर्ने हो भने नेपालमा कोरोना त्यत्रि फैलिन नसकेको वा कमजोर हो भनेर देखाउँछ ।
त्यसैले अहिले कोरोनाको डरले सरकारले गरेको लकडाउनको कारण धेरै नेपालीहरुले रोजगारी गुमाएका छन्, आत्महत्या गर्नेहरुको संख्या दिनपरिदिन बढीरहेको छ । हत्या हिंसा, बलात्कार भ्रष्टाचार, चोरी डकैटी बढ्न थालेको छ । तसर्थ नेपाल सरकारले यस तर्फ तत्काल कार्य गर्नु पर्दछ । गत चैत्रबाट शुरु भएको लकडाउनले नेपाली जनताको जनजीवन अस्तब्यस्त तथा मानसिक रोगी समेत हुन थालेको छ । यसले नेपालमा भयाबह परिस्थिति ल्याउने निश्चित नै छ ।
हुनत अहिले कम्युनिष्टहरुको सरकार छ धर्म नमान्ने दलहरुको राज भइरहेको छ । जसले गर्दा आपत विपदमा पुकार्ने मठमन्दिर , विहार गुम्बा लगायत सबै धार्मिकस्थलहरु बन्द गरिराखेको छ । मानिसलाई जब दैवीय प्रकोप आउँछ जब जब संकत र पीडा हुन्छ तब सहारा भनेको नै आआफ्नो आस्थाको भगवानलाई पुकार्ने हो र भगवानले सबैलाई बचाउने हो । विगतमा पनि बचाएको नै हो । यस्तो विपतको समयमा धार्मिक चिन्तनमननलाई जोड दिनु पर्नेमा उल्टै सबै धार्मिक स्थल बन्द गरिदिंदा मानिसहरु मानसिक रोगी, आत्महत्या गर्ने, तथा हिंसक बन्दै गएको छ । नेपाल भनेको पवित्र धार्मिक तिर्थस्थल हो , बुद्धको जन्मभूमी, रातो मछिन्द्रनाथ, सेतो मछिन्द्रनाथ, पशुपतिनाथ, मनकामना, मुक्तिनाथ ,स्वयम्भू बौद्ध, जानकी आदी हजारौं पवित्र स्थल रहेको यस भुमीमा दैवीय प्रकोप कमजोर हुन्छ भन्ने कुरा त गत २०७२ सालको भूकम्पमा काठमाडौं नै पूर्णरुपले ध्वस्त हुन्छ भनेर भनिएको अवस्थामा १० प्रतिशत मात्र क्षती भएर महाभूकम्प टरेर गएको छ । भारत लगायत विभिन्न देशमा सलह किराबाट अन्नबाली नष्ट गरेर अत्यन्तै पीडा दिएको अवस्थामा नेपाल आएर पनि केही नगरेको मात्र होइन यहाँ उनीहरुको मृत्यु हुन थालेको घटनाले पनि नेपालमा दैवीय शक्ति रहेको छ भनेर पुष्टि भइरहेको छ ।
त्यसैले नेपालमा अहिले कोरोनाले महामारी लिन सक्दैन भनेर भन्न सकिने अवस्था पनि भएको हुँदा र सबै खुल्ला गरिसकेकाे अवस्थामा धार्मिकस्थल मात्र बन्द गर्नु धर्म विराेधी कार्य हाे वा गणतन्त्रका शासकहरू काेराेनाकाे अाडमा धर्रमलाइ समाप्त गर्दैछ भन्ने पुष्टि हुन्छ । हाेइन भने तत्काल सबै देवी देवालय तथा धार्मिक कार्यलाइ सूचारु गरि देशलाई आध्यात्मिक बनाउनु आवश्यक छ । यसले मात्र अहिलेको विषम परिस्थितिबाट बचाउने छ र दे श र जनता सुखी हुनेछ । सबैलाई चेतना भया ।

राजाको समयमा नेपालको शासन व्यवस्था परिवर्तन गर्ने हैसियत भएका नेवा समुदाय आज कमजोर, अपमानित र अपहेलित हुन बाध्य

Main News

बिसन्तर शाक्य
करुणामयको रथ बनाएर ,रथारोहण गराएर ५ महिना सम्म वेवारिस अवस्थामा पुल्चोकमा राखिएको थियो । करुणामय जस्तो विश्वप्रशिद्ध भगवानलाई बिच बाटोमा विचल्ली गरेर छाडेर धर्मप्रति आस्था विशेष गरि आजका युवा समुदायलाई धर्म भनेको छैन , भगवानको कुनै शक्ति हुँदैन भनेर देखाउन र युवाहरुलाई धर्मप्रति वितृष्णा जगाउने योजना रहेको छ भन्ने कुरा त करुणामयको रथ तान्न पटक पटक साइट निकाल्ने तर नतान्ने कार्यले देखाइरहेको छ ।
दलका कार्यकर्ताहरुले जुलुस गर्दा कोरोना नलाग्ने तर करुणामयको रथ तान्दा कोरोना हुने , दलका कार्यकर्ताले जुलुस गर्न अनुमति हुने धार्मिक कार्यकोलागी अनुमति नहुनु र नदिनु धर्मलाई समाप्त गर्ने षडयन्त्र हो । यसैको विरुद्धमा विहिवार ललितपुरका स्थानीय जनताले रथ तान्ने प्रयास गरे । कसैको निर्देशनमा नभई स्वत स्वफुर्त रुपमा स्थानीवासीहरु आएर रथ तान्दा प्रशासनले रथ तानीरहेको समयमा पछाडीबाट छापामार शैलीमा पानीको फोहरा तथा तथा अश्रुग्यास प्रहार गरेपछि विहिवार दिनभर ललितपुर तनावग्रस्त भयो ।
आफुलाई ललितपुरको जातीय समाजका अगुवा भन्नेहरु १९ वटा जातीय समुदायले रथ तानीरहेको समयमा यसरी रथ नतानौं , अब हामी यसरी रथलाई तान्ने छौं भनेर भन्न आएको भए कुनै घटना नै हुने थिएन तर उल्टै स्थानीयवासीहरुलाइं नै अराजक तथा उछिंगल व्यक्ति भन्दै प्रशासन मार्फत दमन र घरपकड गराउने कार्य भएको छ ।
झडपको दिनमा पक्रिएर मात्र नपुगेर शुक्रबार त ललितपुरमा कफ्र्यु गरेर टोल टोलमा आतंक मच्चाउँदै घर घरमा आएर स्थानीयवासीहरुलाई पक्राउ गर्ने काम समेत भयो । यसरी घर घरमा आएर पक्राउ परेपछि आक्रोसित स्थानीय जनताले ललितपुरका १९ जातीय समाजका नायकेहरुलाई धेराबन्दी गरेपछि सबैलाई रिहा गर भन्दै १९ जातीय समूहले वक्तब्य निकाल्न बाध्य भयो र यही वक्तब्य लिएर ललितपुरको सिडियो कहाँ गएर सबैलाई निशर्त रिहा गर्न माग गरे । तर बिडम्बना ललितपुरका १९ जातीय समूहको आग्रहलाई ललितपुरको सिडियोले टेरपुच्छर नै लगाएन । पटक पटक सिडियोसंग भेटेर रिहा गर्न माग गर्दा पनि जातीय समूहको कुरालाई कुनै महत्व दिएन । यसले हिजो राजाको समयमा नेपालको शासन व्यवस्था हल्लाउने मात्र होइन व्यवस्था नै परिवर्तन गर्ने हैसियत भएका नेवा समुदाय आज एउटा सिडियोको अगाडी लचार र निकम्मा हुन बाध्य भएको छ ।
राजाले राज्य कब्जा गरे, नेवा समुदायको नाक काटे , राजा भनेको नेवा विरोधी हो भनेर भन्ने गणतन्त्रवादीहरुको पछि लागेर राजालाई हटाएमा आत्म निर्णय सहितको नेवा राज्य हुन्छ भन्ने गणतन्त्रवादी दलहरुको सपनाको पछि लागेर राजासंग नाता तोड्न साथ आज राजा पनि कमजोर भयो नेवा समुदाय पनि कमजोर र लाचार हुन बाध्य भएको छ । आज नेवा समुदायको हरेक तहतप्कामा आक्रमण गरिरहेको समयमा बाकी रहेको धर्म संस्कृति परम्परलाई पनि समाप्त गरेर नेवा समुदायको अस्तित्वलाई समाप्त गर्न लागेको छ ।
आज नेवा समुदायको हैसियत के हो भन्दा ललितपुरका १९ जातीय समूह अर्थात ललितपुरका जनताको आदेशलाई एउटा सिडियोले नटेर्ने अवस्थामा पुगेको छ । आफ्नै जात्रामा प्रहरीले ताण्डव नृत्य गर्दा , घरघररमा विना सूचना, विना बारेन्टी , विना कसूर पक्रिन आउँदा पनि केही गर्न नसक्ने निकम्मा भएको छ ।
नेवा समुदायको इतिहासमा यति सम्म लाचार, कमजोर अपमानित र अपहेलित भएको यो अवस्थामा जातीय समूहको नेतृत्व गरिरहेका व्यक्तिहरुमा कुनै आत्माग्लानीको अनुभूति समेत नदेख्नु दुखद र गम्भिर अवस्था हो । त्यसमा पनि धर्मसंस्कृति परम्परालाई बचाउनु पर्छ भनेर परम्पराको रक्षा गर्न आएका स्थानीयहरु थुनामा राखेर ज्यापु समाजको अगुवाईमा १९ जातीय समूहहरु साक्षी बनेर ३० मिटर रथ तान्न ६ घण्टा ललितपुर जिल्लालाई नाकाबन्दी रथ तानेर रथ यात्रा सम्पन्न गरिएको घटनाले यो रथ यात्रा नभएर ज्यापु जात्रा भएको र हामी नै हौं भन्ने दम्भ देखाएको र बाकी जातीय समूहहरु नपुसंक झैं उनको पछि लागेको देखिन्छ ।
यसले करुणामयको अस्तित्व सहित धर्म संकृतिलाई समाप्त गर्ने ग्राण्ड डिजाइनमा यीनीहरुको पनि सहभागीता छ कि भन्ने प्रश्न पनि उठ्न थालेको छ भने करुणामयको रथ यात्रामा भएको घटनाले धर्मसंस्कृतिलाई अब बचाउन कथिन बन्दै गएको र नेवा समुदायको अस्तित्व पनि अब समाप्त हुन लागेको छ भन्ने कुराको पुर्व संकेत दिएको छ । सबैलाई चेतना भया ।

Decision from Jyapu Samaj about Rato Machindranath Jatra

Main News
क. 2077 भाद्र 19 गते छेमा पूजा गर्ने
ख. 2077 भाद्र 21 सोह्र खुट्टे पाटी सम्म र तान्ने र छेलाबु गर्ने
ग. 2077 भाद्र 22 गते भुज्याय मनाउने र साइट हेर्ने
घ. साइट प्राप्त भएको दिन (संभवतः भाद्र 26 गते) श्री रातो मच्छिन्द्र नाथलाई बुङमती प्रस्थान गराउने

म्यानमारकाे शासनधज धम्माचरिय उपाधि परीक्षामा चार जना नेपाली भिक्षु तथा अनगारीकाहरू सफल

Main News
म्यानमारकाे अत्यन्तै प्रतिष्ठित तथा उच्च तह शासनधज "धम्माचरिय" ( धर्म आचार्य) उपाधी परिक्षामा चारजना नेपाली भिक्षु तथा अनगारीकाहरू उत्तिर्ण हुन सफल भएका छन् ।
सन् २०२० काे म्यानमारकाे शासनधज धम्माचरिय उपाधि परीक्षामा भिक्षु अानन्द र भिक्षु विचार तथा अनागारिका जवनवती र अनागारिका मधुभाणिनी उत्तिर्ण हुन सफल भएका हुन ।
अन्तर्राष्ट्रिय बुद्ध परियत्ती उदय बिहारबाट म्यानमारमा बुद्ध धर्मको अध्ययन गर्न श्रद्धेय भिक्षु जटिल महास्थबिर सद्धम्म जोतिकधजद्वरा धेरै शिष्यहरु पठाएकोमा यो बर्ष शिष्यहरु (१) भिक्षु आनन्द ( पच्छु वाइवा तामाङ) धादिङ जिल्ला , नेत्रवती गाउँ पालिका सेम्जाेङ गैरा - का हुनुहुन्छ । उहाँ ywama pariyatti monastery insein, yangon, myanmar विहारमा अध्ययनरत हुनुहन्थ्याे ।
त्यसैगरी । भिक्षु विसारा ( मनोज मोक्तान, तामाङ )धरान, सुन्सरी, नेपालका हुनुहुन्छ । उहाँ शुखवती परियत्ती विहार, च्याउ भडाउँ, आउँताया, म्यानमार विहारमा अध्ययनरत हुनुहन्थ्याे ।
त्यसैगरि पज्यपाद धम्मवति गुरूमाकाे शिष्या अनागारिका जवनवती तथा विश्वशान्ति बिहारबाट जानु भएका पुज्यपाद डा. ज्ञानपूर्णिक भन्तेका शिष्य अनागारिका मधुभाणिनी म्यानमारकाे पण्डिताराम ध्यानकेन्द्रमा अध्ययनरत हुनुहुन्थ्याे ।
धम्माचरिय म्यानमारमा अध्ययन गरिने उच्च तहको शिक्षा, जुन पास गरेपछि धर्मको आचार्य अथवा धर्मलाई हाँक्न सक्षम व्यक्ति बन्छ ।
के हाे शासनधज "धम्माचरिय"
म्यानमारका विभिन्न शिक्षा प्रणालीहरु मध्ये उच्चस्तरीय शिक्षा प्रणाली धम्माचरिय हो । यो शिक्षा पूरा गर्न धेरै कठिन तहहरु उत्तीर्ण गर्नुपर्छ । म्यानमारको बुद्धशासन मन्त्रालयबाट पालि शिक्षा आचार्य परिख्यानद्वारा सञ्चालित शासनधज धम्माचरिय को उपाधि तह पुग्नको लागि विभिन्न चारतह पहिला पार गर्नुपर्छ जस्तै—
१) मूलादाँ— प्रथमतह यो सबैभन्दा पहिलो तहको रुपमा लिइन्छ । जसमा पालि शिक्षा, कच्चायन व्याकरण (सन्धि, नाम, आख्यान), रुपसिद्धि व्याकरण (सन्धि, नाम, आख्यान), अभिधर्मार्थ संग्रह (चित्त काण्डदेखि समुच्चय काण्डसम्म पालि मात्र), तिकमातिका आदि अध्ययन गर्नुपर्छ । सम्पूर्ण विषय कण्ठ गर्नुपर्ने हुन्छ । मूलादाँलाई राम्रोसँग आउनुपर्छ ।
२) अंगेदाँ— दोस्रो तह दोस्रो तहको रुपमा रहेको अंगेदाँमा भिक्षु प्रातिमोक्ष, कङखा अठ्ठकथा (शुरुबाट पाराजिका सम्म), कच्चायन ब्याकरण (सन्धि, नाम, कारक आख्यान टिका), रुपसिद्धि (सन्धि, नाम) पद विनिच्छय (सन्धि, नाम), सुत विनिच्छय, अभिधर्मार्थ संग्रह (चित्त काण्डदेखि विनिमुक्त काण्डसम्म पालि र अर्थ) सबै, टिकाज्यो (चित्त, चेतसिक, पकिण्णक,) तिका मातिका, अभिधम्म, दुक मातिका, धातुकथा (शुरुबाट पञ्चमन सम्म), भाषा परिवर्तन अठ्ठकथा (एक निपातलाई चार भाग गरेर एक भागलाई चार वर्गसम्म) अध्ययन गर्नुपर्छ । यो परीक्षा सरकारी वर्गसम्म अध्ययन गर्नुपर्छ । यो परीक्षा सरकारी स्तरमा हुन्छ । पाँच दिनमा परीक्षा हुन्छ ।
३) अलादाँ— तेस्रो तह धम्माचरियसम्म पुग्नको लागि पार गर्नुपर्ने तेस्रो तहमा विनय (द्वेमातिका), कङखा अट्ठकथा (शुरुबाट निस्सग्गिय पाचित्तियसम्म) कच्चायन व्याकरण (सन्धि, नाम, कारक, आख्यान), समास, टिका, तद्वित), रुपसिद्धि शुरुबाट तद्धितसम्म) पद विनिच्छय (शुरुबाट समाससम्म), सुत्त विनिच्छय अभिधर्म (नौवटा काण्ड) टीकाव्यो (शुरुबाट रुपकाण्डसम्म), सतन्तिक मातिका, धातुकथा (शुरुबाट रुपकाण्डसम्म), यमक (पाँचदेखि दशसम्म), भाषा परिवर्तन जातक अठ्ठकथा (दुक, तिक, चतुक्क, पञ्चम, छक्क निपातलाई चार भाग गरेर एक भागलाई चार वर्गसम्म आदि विषय अध्ययन गर्नुपर्छ र यी तहमा छ दिनसम्म परीक्षा हुन्छ ।
४) अचिदाँ— चौथो तह यो धम्माचरिय स्तरमा पुग्नको लागि सबैभन्दा गाह्रो तथा अन्तिम तह हो । यसमा विनय (द्वे मातिका) कङखा अट्ठकथा (शुरुबाट अन्त्यसम्म), रुपसिद्धि (शुरुबाट अन्त्यसम्म), पद विनिच्छय (शुरुबाट अन्त्यसम्म), सुत विनिच्छन (शुरुबाट अन्त्यसम्म), पालि शब्दकोष, अलङकार, छन्द, यमक, पठ्ठान (कुणल टीका) भाषा परिवर्तन, जातक अठ्ठकथा (सत्तम निपातबाट असीति निपातसम्म चार भाग गरेर एक भाग चार वर्ग पढ्ने) यो सबै अध्ययन गर्नुपर्छ यी चार तहसम्म पुग्दा पालिभाषा र पालि व्याकरणमा पोख्त भइसकेको हुन्छ । यो सबैभन्दा गाह्रो तहको रुपमा रहेको छ । यो अचिदाँमा सात दिनसम्म परीक्षा हुन्छ ।
५) धम्माचरिय— यी चारवटा तह पार गरेपछि धम्मचरिय गर्न सकिन्छ । धम्माचरिय सम्पूर्ण रुपमा ज्ञान भएको अवस्था हो । धम्माचरियमा तीनैवटा पिटक अध्ययन हुन्छ । सुत्तपिटकमा शीलखण्ड पालि सबै अध्ययन हुन्छ— अठ्ठकथा, टीका, अनुटीका सबै अध्ययन हुन्छ । विनयपिटकमा पाराजिका पालि सबै अध्ययन गर्नुपर्छ । यसको साथै अठ्ठकथा, टीका, अनुटीका आदि । अभिधर्ममा – धम्मसंगिनी् – अठ्ठसालिनी – टीका – अनुटीकाको अध्ययन हुन्छ ।
धम्माचरियको सात दिनसम्म परीक्षा हुन्छ । यस परीक्षामा एक विषयमा पहिलो पत्र, दोस्रो पत्र हुन्छ । पहिलो पत्रमा १० वटा प्रश्न सोधिएको हुन्छ । जुन पालि र अठ्ठकथाबाट निकालिएको हुन्छ र दोस्रो पत्रमा कुनैपनि विषयलाई लिएर १० वटा प्रश्न सोधिएको हुन्छ । यसको उत्तीर्णाग ६५ हुन्छ । दुबै पत्रमा उत्तीर्णाग (पास माक्र्स) ल्याउनुपर्छ ।
सरकारले यो परीक्षामा विद्यार्थीहरुलाई सजिलोहोस् भनेर तीनपटकको एउटा एउटा गरी परीक्षा दिन पनि मिल्ने व्यवस्था गरेको छ । तीनै दिन पनि मिल्ने व्यवस्था गरेको छ । तीनैवटा पिटकलाई एकै पटक दिए पनि हुन्छ । धम्माचरियमा पढाउने तरिका पनि फरक हुन्छ । यसमा अलङकार तरिका, छन्द तरिका, मेत्ती तरिका, व्याकरण तरिका जस्ता थरी थरीका तरिका अपनाई एउटै विषय शब्दलाई छुट्याई छुट्याई पढाएको हुन्छ । यसको मूल उद्देश्य भनेको नै त्रिपिटकमा पारंगत गराउनु हो ।
एउटा विषय बुझेपछि अर्को विषय सजिलैसँग बुझ्न सकिन्छ । यो तह भनेको बुद्धशासनको झण्डा फहराउन सक्षम अवस्था हो । धम्माचरिय पास भएपछि म्यानमारको सासन मन्त्रालायबाट “सासनधज धम्माचरिय” उपाधि प्रदान गरिन्छ । यसरी म्यानमारको धेरै शिक्षा प्राणालीहरुमध्ये ‘धम्माचरिय’ शिक्षा प्रणाली पनि एक उत्कृष्ट शिक्षा प्रणालीको रुपमा रहेको छ । सासनधज धम्माचरिय उपाधि परीक्षा पास गर्नुहुने नेपाली भिक्षु तथा अनगारिकाहरू
१ । अनागारिका धम्मवती
२ भिक्षु ज्ञानपूर्णिक महास्थविर
३ अनागारिका अग्गञाणी
४ अनागारिका विमलञाणी
५ भिक्षु ञाणावुध
६ भिक्षु आनन्द, बुटवल
७ भिक्षु विचार
८ अनागारिका विसिट्ठञाणी ( जवनवती )
९ अनागारिका मधुभाणिनी रहेका छन् ।
उहाँहरुले धम्माचरिय शिक्षा प्रणाली अनुसार अध्ययन गरी बुद्धशासनको बलियो खम्बाको रुपमा अगाडि बढी शासनलाई हाँकि राख्नुभएको छ । हाल पनि म्यान्मारमा नेपालबाट शुद्ध बुद्धशिक्षालाई प्राप्त गर्ने महान उद्देश्य लिई नेपालमा भन्ते, श्रामणेर र गुरुमाँहरु म्यानमारमा अध्ययन गरिरहनुभएका छन् ।

नेपाल र नेपालीहरुकोलागी उपयुक्त व्यवस्था राजतन्त्र मात्र

Main News

बिसन्तर शाक्य
कोरोना महामारीको संक्रमणलाई रोक्न भन्दै सरकारले उपत्यकामा निषेधाज्ञा जारी गरेको पनि ९ दिन भइसकेको छ । तर उपत्यकामा संक्रमण हुनेहरुको संख्या दिनपरदिन बढीरहेको छ । संक्रमण संख्या मात्र नभएर मृत्यु दर पनि दैनिक १० जना भन्दा बढी हुन थालेको छ । यसले कोरोना महामारी अब समुदायस्तरमा नै फैलिसकेको कुरालाई सजिलै बुझ्न सकिन्छ ।
तर अहिले नेपाली जनताको मनमस्तिष्कमा उठेको प्रश्न के हो भने निषेधाज्ञाले मात्र कोरोना नियन्त्रण हुन सक्छ ? किनकी कोरोनाको संक्रमण दर जुन किसिमले बढीरहेको छ यसकोलागी सरकारले तत्काल उपत्यका प्रत्येक वडा वडामा पीसीआर जाँच गर्नु र वडा वडामा आवश्यक क्वारान्टाइनको व्यवस्था गर्ने तर्फ लाग्नु पर्ने हो तर सरकारले जनतालाई सशुल्क पीसीआर स्वयं परिक्षण गर्न आदेश दिए पछि जनता आक्रोशित भएका छन् ।
नेता, सरकारी तथा उनका आसेपासे सबैको निशुल्क परिक्षण हुने तर जनतालाई भने सवयंले शुल्क तिरेर परिक्षण गर्नु पर्ने सरकारी नीतिले कोरोना संक्रमणलाई बढावा दिइरहेको छ । किनकी नेपाली जनता आफ्नै खर्चमा कोरोना परिक्षण गर्न जाँदैन । जसले गर्दा कोरोना भएको व्यक्ति पनि समुदायमा, परिवारमा नै रहने भएकोले यसले कोरोनालाई फैलाउने निश्चित नै छ जुन अहिले दिनपरदिन बढीरहेको छ ।
त्यसैगरि कोरोना भाइरस संक्रमणवाट नेपालमा ४९ हजार भन्दा बढी मानिसको मृत्यु हुने एउटा अध्ययनले देखाएको छ । यूकेएड, अक्सफोर्ड पोलिसी म्यानेजमेन्ट र युनिभर्सिटी अफ अक्सफोर्डले गरेको संयुक्त अध्ययनले सन् २०२० को अन्त्यसम्ममा नेपालमा कोरोनाबाट ४९ हजार दुई सय जनाको मृत्यु हुन सक्ने देखाएको हो । मोडलिङ अफ कोभिड नाइन्टिन स्ट्राटेजिज इन नेपाल नामक उक्त अध्ययन प्रतिवेदनले कोरोना संक्रमितमध्ये ३५ प्रतिशतको मृत्यु हुन सक्ने निष्कर्ष निकालेको छ । तसर्थ यदी यसलाई तत्काल रोक्न नसके भने कोरोनाले सबै देशवासी नै संक्रमित हुने निश्चित नै छ यसले देशमा भयावह परिस्थिति आउने नै छ ।
तर बिडम्बना के रहेको छ भने देश कोरोना महामारीको चक्रमा फस्न लागीरहेको समयमा सुखी नेपाली समृद्ध नेपालको नारा दिएर सत्तासिन हुन सफल तथा गणतन्त्रका शासकहरु भने सत्ताको भागबण्डामा नै ब्यस्त छन् । अहिले कोरोनालाई कसरी समाप्त गर्ने भनेर लाग्नु पर्ने गणतन्त्रवादीहरु कसरी सत्तामा रही रहने र कसरी प्राप्त गर्ने भनेर मात्र लागीरहेको मात्र होइन मन्त्रालय नै फोरेर मन्त्रीहरु बनाउने तयारीमा लागी परेको खबर आइरहेको छ ।
यस्तो कथिन र भयावह अवस्थामा समेत देश जनताको चिन्ता नहुने र नगर्ने देश बर्बाद भए होस जनता मरे मरोस तर सत्ता र भत्ता नछुटोस भन्ने मानसिकताबाट ग्रष्ट सत्तासिन शासकहरु रहेको अवस्थामा प्रतिपक्ष नेपाली कांग्रेस पनि सभापति बन्ने कार्यमा ब्यस्त छन् । यसरी राजतन्त्रलाई तानाशाह, जनविरोधी भनेर गणतन्त्र स्थापना गरेका शासकहरु कतिसम्म बेइमान, गद्दार तथा देश र जनविरोधी छन् भनेर अहिले भइरहेको र गरिरहेको कार्यले ऐना झैं छर्लंग गरिरहेको छ ।
एकातिर शासकहरु सत्ताको भागबण्डमा लागीरहँदा मन्त्री लगायत नेता , कार्यकर्ता, सरकारी निकायमा भ्रष्टाचारले चरम रुप लिइरहेको छ । जसले गर्दा मुलुक भ्रष्टहरुको अखडा बनिरहेको छ । व्यापार व्यवसाय तथा रोजगारीको अभावमा नेपाली जनता भोक भोकै मर्ने अवस्थामा पुगेका छन् यसले गर्दा मुलुकमा अब चोरी, लुट, तथा डकेती बढ्ने प्राय निश्चित नै छ भने बेरोजगारी, भोग, रोग तथा भष्ट शासकहरुका कारणले गर्दा मुलुकमा अफ्रिकामा झैं गृहयुद्धको खतरा पनि उत्तिकै रहेको छ । त्यसैले अहिले अवस्था हेर्ने हो भने मुलुको भविश्य पूर्णरुपले अन्धकारमा रहेको छ ।
त्यसैले अब देशलाई बचाउन गणतन्त्रको विकल्प आवश्यक नै भइसकेको छ भने गणतन्त्र नेपाल र नेपालीहरुकोलागी उपयुक्त व्यवस्था होइन , नेपाल र नेपालीहरुकोलागी उपयुक्त व्यवस्था राजतन्त्र मात्र रहेको यो गणतन्त्रको शासनले प्रमाणित गरिसकेको छ । त्यसैले अब गणतन्त्रको अन्त नै सबै समस्याको समाधानको उपाय भएको कुरामा कुनै दुविधा रहेको छैन ।
त्यसैले अब नेपाली जनता स्वतस्वफुर्त रुपमा राजतन्त्र पुनस्थापनाको माग सहित सडकमा आउनु आवश्यक छ । किनकी जनताको चाहना र माग अनुसार नै राजाले राजगद्दी परित्याग गर्नु भएको थियो भने जनताको चाहना र माग अनुसार राजा फेरि आउनेछ । त्यसकोलागी आह्वान नेपाली जनताले गर्नुै पर्दछ । किनकी राजाले सदैब भनिरहनु भएको छ । जनताले चाहेमा म नेतृत्व लिन र दिन तयार छु भनेर । त्यसैले अब कोरोना महामारी, तथा गणतन्त्रको भ्रष्ट तथा कूशासनबाट मर्ने कि राजतन्त्रलाई पुनस्थापित गरेर सुखी र शान्त र सुन्दर जीवन बिताउने निर्णय नेपाली जनताको । सबैलाई चेतना भया ।

बंगलादेशले लुम्बिनीमा बौद्ध विहार निर्माण गर्ने

Main News
बंगलादेशले लुम्बिनीमा बौद्ध विहार निर्माण गर्ने भएको छ ।
गत श्रावण २७ गते प्रधानमन्त्री शेख हसीनाको अध्यक्षतामा बंगलादेशको मन्त्रिपरिषद्को भर्चुअल बैठकले नेपालको लुम्बिनी विकास कोष र बंगलादेश सरकारबीच बंगलादेशी बौद्ध विहार निर्माण सम्बन्धी मस्यौदा सम्झौतालाई अनुमोदन गरेको हो । प्रस्तावित विहार ऐतिहासिक शाक्यमुनी बुद्धको जन्मस्थल लुम्बिनीमा निर्माण गरिने छ।
उक्त विहार निर्माणकोलागी नेपालका लागि बंगलादेशी राजदूत मशिफी बिन्ते शम्स र पहिलो सचिव कन्सुल असित बारन तथा बंगलादेश सरकारको व्यक्तिगत चासो र योजनाबाट शुरू गरिएको हो। यो कुरा हाम्रो धार्मिक मामिलाको सेवकाईबाट आएको हो। लुम्बिनी विकास कोष अन्तर्गत रहेका्े क्षेत्र गौतम बुद्ध संग गहन सम्बन्ध जोडिएको छ। विभिन्न देशका बौद्धहरुको यस स्थानमा गहिरो सम्बन्ध छ, ”बैठक पछि मन्त्रालयका सचिव खण्डकर अन्वरुल इस्लामले भने।
बंगलादेशले त्यहाँ गुम्बा वा विहार निर्माणमा चासो देखाएपछि एउटा जग्गा नेपाल सरकारबाट प्राप्त भएको थियो । यसकोलागी आवश्यक सबै प्रकृया बंगलादेश दूतावास मार्फत गरिएको थियो।
अन्वरुल इस्लामले भने कि लुम्बिनीमा विहार निर्माण गर्न १२ मिलियन बंगलादेशी टाका मिलियन अमेरिकी डलर को अनुमानित निर्माण लागतको साथ बंगलादेशको विदेश मन्त्रालयमार्फत डिजाइन सहित सबै आवश्यक कार्यकोलागी सहमति जनाएको छ। उनले यो पनि भने कि यो अर्को देशसँग सम्झौता भएकोले यसलाई मन्त्रिपरिषद समक्ष अनुमोदन भएको थियो।
फेसबुकमा आतिश दीपंकर बौद्ध समाचार पृष्ठले विहारको लागि योजना गरिएको डिजाइनको एक भिडियो पोस्ट गरेको थियो जसमा बताइएको छ कि बंगलादेशको विश्व सम्पदाको हिस्सा रहेको नौगांव जिल्लाको सोमपुरा पुराविहारको नमूनाको रूपमा डिजाइनको अन्तिम रूप लिइएको छ। बंगलादेशको वास्तुकला विभागका प्रमुख वास्तुकार र डिजाइनर आसिफुर रहमान भुइयाँले विहार डिजाइन गरेको थियो ।
सोमपुरा महाविहार एक बौद्ध शैक्षिक केन्द्र थियो जसमा आवासीय सुविधाहरू रहेको १७७ कोठा उत्तर तर्फ —— कोठा र दक्षिण, पूर्व र पश्चिममा २२, २२ कोठाहरू छन्। यो केन्द्रको क्रुसीफोरम स्तूपको विशाल चोकको वरिपरि बनिएको थियो, यो विहार ११ हेक्टर क्षेत्रफलमा फैलिएको थियो, जसमा २२७२ मिटर भन्दा अधिक चौडाइको दरबार थियो। यो भनिन्छ कि ९ औं र १२ औं शताब्दीमा तिब्बतमा यस महाविहार यति धेरै सम्माननित गरिएको थियो कि धेरै प्रभावशाली तिब्बती भिक्षुहरूले यस विहारमा आएर बसोबास गरे । विश्व प्रसिद्ध बौद्ध विद्वान आतिशा दीपंकरा श्रीजना धेरै वर्षसम्म यस महाविहारमा बस्नु भएको थियो ।
नेपालको रुपन्देही जिल्लामा अवस्थित लुम्बिनी बौद्ध तीर्थयात्रीहरूका लागि विश्वको सबैभन्दा महत्वपूर्ण आध्यात्मिक स्थलहरू मध्ये एक हो। लुम्बिनीमा थुप्रै पुराना मन्दिरहरू छन्, तीमध्ये सबैभन्दा पवित्र माया देवी मन्दिर हो, जुन शाक्यमुनी बुद्धको जन्म भएको हो भनेर पुरातत्वविदहरूले पत्ता लगाएको ठाउँको चिह्न हो। अशोकको स्तम्भमा रहेको शिलालेखहरूले पनि बुद्धको जन्म स्थानको रूपमा संकेत गर्दछ। १ १९९७मा लुम्बिनीलाई आधिकारिक रूपमा युनेस्को विश्व सम्पदाको रूपमा सूचीबद्ध गरिएको थियो।
हालका वर्षहरूमा बंगलादेशी सरकारले देशको बौद्ध विरासतहरुलाई प्रदर्शन तथा संरक्षण गर्न धेरै परियोजनाहरू सुरू गर्यो। २०१५ मा, संयुक्त राष्ट्र विश्व पर्यटन संगठन (यूएनडब्ल्यूटीओ) को सहकार्यमा बंगलादेशले पहिलो पटक ढाकामा “दक्षिण एशियाको बौद्ध हार्टल्याण्डमा विकासशील दिगो र समावेशी बौद्ध सम्पदा र तीर्थयात्रा सर्किट“ शीर्षकको अन्तराष्ट्रिय सम्मेलनको आयोजना गर्यो। यो कार्यक्रम दिगो विकास र दक्षिण एसिया र एशिया प्रशान्त क्षेत्रको सीमापार पर्यटन सर्किट र मार्गहरूको प्रवर्द्धनको लागि खुला संवाद थियो।
राजदूत मश्फी बिन्तेले भने ः बंगलादेश र नेपाल बीचको सम्बन्ध प्रबर्दधन गर्न बौद्ध कूटनीतिमा संलग्न पनि भइसकेका छन।हामीलार्ई विश्वास छ कि नेपालमा बौद्ध विहारको निर्माण मार्फत बंगलादेशको बौद्ध विरासतलाई नेपालसँग जोड्न सकिन्छ र यसको फलस्वरूप क्षेत्रीय छिमेकीहरूसँग नयाँ सम्बन्ध अन्वेषण गर्न दृढ आधार प्रदान गर्दछ। १२ श्रावणमा नेपालको लुम्बिनी विकास कोष र बंगलादेश सरकारबीच बंगलादेशी बौद्ध विहार निर्माण सम्बन्धी मस्यौदा सम्झौतालाई अनुमोदन गरेको हो ।

राजसंस्थाView All

राजा ज्ञानेन्द्र वीर विक्रम शाहदेवबाट सर्बोच्च अदालतका भूतपूर्व प्रधान न्यायधिश अनिरूद्ध प्रसाद सिंहको निधनमा दुख: ब्यक्त

राजा ज्ञानेन्द्र वीर विक्रम शाहदेवबाट सर्बोच्च अदालतका भूतपूर्व प्रधान न्यायधिश अनिरूद्ध प्रसाद सिंहको निधनमा दुख: ब्यक्त गरिबक्सेको छ । मौसूफबाट स्वर्गिय सिंहको आत्माको चीर शान्तिको कामना गरिबक्सदै शोकसन्तप्त परिवारमा समवेदना […]

राजा ज्ञानेन्द्र बीर बिक्रम शाहदेवबाट राष्ट्रकवि माधवप्रसाद घिमिरेको निधनप्रति दुःख व्यक्त

राजा ज्ञानेन्द्र बीर बिक्रम शाहदेवबाट राष्ट्रकवि माधवप्रसाद घिमिरेको निधनप्रति दुःख व्यक्त गरिबक्सेको छ । आज मौसुफबाट जारी एक बिज्ञप्तिमा राष्ट्रकवि घिमिरेको निधनप्रति दुःख व्यक्त गरिबक्सदै उक्त कुरा बताईबक्सँदै निरन्तर साधनारत […]

युवराज्ञी हिमानी राज्यलक्ष्मीदेवी शाहबाट सुरक्षात्मक स्वास्थ्य सामग्री तथा राहतका सामान वितरण

काठमाडौँ – हिमानी कोषले कोरोना भाइरसविरुद्धको अभियानका लागि विभिन्न संस्थालाई पीपीईसहितका सुरक्षात्मक सामग्री तथा बाढी–पहिरोसहितका विपदका प्रभावितहरुलाई राहत सामग्री वितरण गरीबक्सेकाे छ । हिमानी कोषले बिहीबार विशेष कार्यक्रम गरी कोषका […]

राजाबाट बाढी, पहिरो र डुबानबाट पीडित सबैको आवश्यक राहत, उद्धार र उपचार तत्काल होस भनेर नेपाल सरकारको ध्यानाकर्षण

राजा ज्ञानेन्द्र वीर विक्रम शाहदेवबाट बाढी पहिरोले पुरयाएको क्षति प्रति दुःख ब्यक्त गरिबक्सेको छ । राजाबाट पीडित सबैको आवश्यक राहत, उद्धार र उपचार तत्काल होस भनेर नेपाल सरकारको ध्यानाकर्षण गरिबक्सेको […]

बाैध्द-गतिविधिView All

म्यानमारकाे शासनधज धम्माचरिय उपाधि परीक्षामा चार जना नेपाली भिक्षु तथा अनगारीकाहरू सफल

म्यानमारकाे अत्यन्तै प्रतिष्ठित तथा उच्च तह शासनधज “धम्माचरिय” ( धर्म आचार्य) उपाधी परिक्षामा चारजना नेपाली भिक्षु तथा अनगारीकाहरू उत्तिर्ण हुन सफल भएका छन् । सन् २०२० काे म्यानमारकाे शासनधज धम्माचरिय […]

हस्तलेखनबाट निर्बाण प्राप्त गर्ने तरिका सिकाउँदै भिक्षु मंगल महास्थविर

शाक्यमुनी बुद्धले उपदेश गर्नु भएको जन्म, जरा ब्याधी दुखबाट मुक्त हुने निर्बाण सुखलाई हस्तलेखनबाट पनि प्राप्त गर्न सकिन्छ भन्दै यसको प्रचारमा लाग्नु भएको छ करुणामैत्री विहारका प्रमुख भिक्षु मंगल महास्थविर […]

मैत्रेय परियत्ति केन्द्र भक्तपुरबाट परियत्ति पुरस्कार वितरण

अखिल नेपाल भिक्षु महासंघद्वारा संचालित नेपाल बौद्ध परियत्ति शिक्षा मैत्रेय परियत्ति केन्द्र बाट बु.सं. २५६३ को परीक्षामा उत्तीर्ण परीक्षार्थीहरूलाई प्रमाणपत्र तथा पुरस्कार वितरण कार्यक्रम थथुबहीमा सम्पन्न भएको छ । मैत्रेय […]

जगतसुन्दर ब्वनेकुथि परियत्ति केन्द्रमा परियत्ति बिद्यार्थीहरुलाई पुरस्कार तथा प्रमाणपत्र वितरण

जगतसुन्दर ब्वनेकुथि परियत्ति केन्द्रमा बु. सं. २५६३ परियत्तिमा उर्तिण हुन सफल भएका बिद्यार्थीहरुलाई पुरस्कार तथा प्रमाणपत्र वितरण गरिएको छ । गत शुक्रवार आयोजित कार्यक्रममा काठमाडौं महानगरपालिका प्रवक्ता तथा १५ वडाका […]

राजनीतिView All

/ राजनीति

न्यूज २४ टेलिभिजनबाट श्रीलंका विहारबारे नकारात्मक तथा भ्रामिक प्रचार गरेकोमा श्रीलंका राजदुतावासबाट घोर भत्सना

न्यूज २४ टेलिभिजनबाट प्रशारण हुने सिधा कुरा जनतासंग कार्यक्रममा श्रीलंका विहारबारे नकारात्मक तथा भ्रामिक प्रचार गरेकोमा श्रीलंका राजदुतावासबाट घोर भत्सना गरेको छ । आज श्रीलंका राजदुतावासबाट एक बिज्ञप्ति जारी गर्दै […]
/ राजनीति

अयोध्यमा राम मन्दिर बनाउन पाइदैन भनेर भारतीय दुतावासमा ज्ञापनपत्र

भारतीय प्रधानमन्त्री नरेन्द्र मोदीबाट भब्य समारोहको बिचमा भारतस्थित अयोध्यामा राम मन्दिर बनाउन शिलान्यास गरिरहेको समयमा नेपालमा भने राम मन्दिर बनाउन पाइदैन भनेर भारतीय दुतावासमा ज्ञापनपत्र बुझाएका छन् । आज बुद्धबार […]

राजाबाट बाढी, पहिरो र डुबानबाट पीडित सबैको आवश्यक राहत, उद्धार र उपचार तत्काल होस भनेर नेपाल सरकारको ध्यानाकर्षण

राजा ज्ञानेन्द्र वीर विक्रम शाहदेवबाट बाढी पहिरोले पुरयाएको क्षति प्रति दुःख ब्यक्त गरिबक्सेको छ । राजाबाट पीडित सबैको आवश्यक राहत, उद्धार र उपचार तत्काल होस भनेर नेपाल सरकारको ध्यानाकर्षण गरिबक्सेको […]
/ राजनीति

संघनायक भिक्षु ज्ञानपुर्णिक महास्थविरको संकलपलाई साकार गर्न सबै लाग्नु पर्छ : राष्ट्रपति भण्डारी

राष्ट्रपति विद्यादेवी भण्डारीले नेपालका सातौं संघनायक डा. भिक्षु ज्ञानपुर्णिक महास्थविरको संकलपलाई साकार गर्न सबै लाग्नु पर्ने बताउनु भएको छ । नेपालका सातौं संघनायक डा. भिक्षु ज्ञानपुर्णिक महास्थविरको निधनमा एक शोक […]

सामाजिकView All

/ सामाजिक

अनला वा अधिकमास एक महिनामा हुने मच्छेनारायण काे मेला काेराेना संक्रमणकले याे साल नहुने

चन्द्रमास अनुसार वर्षकाे ३५४ दिन र सौरमास अनुसार ३६५ दिन हुन्छ । याे गिन्ति अनुसार सौरमासमा वर्षकाे ११ दिन बढी हुन्छ भने प्रत्येक साढे दुई बर्ष पुग नपुग हुँदा एक […]
/ सामाजिक

पशुपतिनाथ मन्दिर लगायत मठ, मन्दिर, चैत्य, गुम्बा भौतिक दूरी कायम गरी खुला गर्नुपर्ने माग गर्दै पशुपति क्षेत्रमा भक्तजनकाे धर्ना

काठमाडौं । छ महिनादेखि बन्द रहेको पशुपतिनाथ मन्दिर लगायत मठ, मन्दिर, चैत्य, गुम्बा भौतिक दूरी कायम गरी खुला गर्नुपर्ने माग गर्दै पशुपति क्षेत्रमा भक्तजनले धर्ना दिन थालेका छन् । कोरोना […]

Decision from Jyapu Samaj about Rato Machindranath Jatra

क. 2077 भाद्र 19 गते छेमा पूजा गर्ने ख. 2077 भाद्र 21 सोह्र खुट्टे पाटी सम्म र तान्ने र छेलाबु गर्ने ग. 2077 भाद्र 22 गते भुज्याय मनाउने र साइट […]
/ सामाजिक

डाक्टर होम आइसोलेसनमा बस्दा त्यहाँबाट निकाल्नुपर्छ भनेर जम्मा भए स्थानीयबासी

६ गते, शनिबार नेपाली जनताहरुमा मानवता हराउँदै गएकाे छ भन्ने कुराको ज्वलन्त उदाहरण पुरानो बानेश्वरस्थित मिलनचाेक वलभद्र मार्ग देख्न पाएकाे छ । सबै जना घरघरमा बसेर काेराेनाबाट बच्न प्रयासरत रहेकाे […]
Go to Top