Support Buddhavani Saptahik by promoting your company's product. Contact 9866429659/9841379528 for more detail

धर्म, संस्कृति, परम्परा, तथा राजसंस्थाप्रति समर्पित

केपी ओलीको दोश्रो पटक मिग्रौला प्रत्यारोपन र कोराेना भाइरस

Main News
यो साता नेपालमा प्रधानमन्त्री केपी ओलीको दोश्रो पटक मिग्रौला प्रत्यारोपन र कोराेना भाइरसको चर्चाले ब्यापक स्थान बनाएको छ ।अहिले कोरोनाको त्रासले नेपाली जनता त्रसित छन् । आज सरकारी निकाय, समाजिक संजाल, संचारक्षेत्र यसै कोरोनाको चर्चा परिचर्चाले भरिएको छ । तर दुखद कुरा के हो भने यस भाइरसबाट मुक्त हुने कुरा भन्दा पनि यसको त्रास दिने कार्यमा बढी लागेको देखिन्छ । नेपाल सरकारले अहिले जुन किसिमले त्रास फैलाउने काम गरिरहेको छ यसले कतै प्रधानमन्त्रीको स्वास्थ्यबारे चासो नराखोस भन्ने षडयन्त्र हुन सक्छ । एमसीसीलाई पास गर्ने षडयन्त्र हुन सक्छ । अहिले चर्चामा रहेको बास्टोलाको मुद्धालाई कमजोर बनाउन हुन सक्छ । गणातन्त्रकाे असफलतालाइ लुकाउन वा देशमा अराजकता मच्चाएर निरकुंश कम्युनिष्ट शासन लाड्ने षडयन्त्र हुन सक्छ तसर्थ यस तर्फ नेपाली जनताले ध्यान दिनु पर्दछ । सरकारको काम जनतामा त्रास फैलाउने नभएर जनतालाई आश्वस्त पार्ने हो कोरोनाको विरुद्ध आवश्यक तयारी गर्ने हो । त्यसमा पनि किनकी कोरोना भाइरस ३० डिग्री भन्दा कम तापक्रममा मात्र बाँच्न सक्ने, कमजोर भएका र बुढा बुढीहरुमा बढी लाग्न सक्ने, स्वस्थ ब्यक्तिमा कम मात्र लाग्ने भनेर भनेता पनि यो भाइरसलाई यति भयानक बनाइ दियो कि अब मानौं प्रलय नै आउन लागेको हो । तसर्थ बुद्धले भन्नु भएको छ । कुनै पनि कुरालाई बहुमतले भन्यो भन्दैमा त्यसलाई विश्वास नगर पहिला त्यसबारे गहिएर विचार गर अनि मात्र विश्वास गर त्यसलाई अनुशरण गर भनेर आज्ञा भए झैं अहिले हामीले पनि कोरोनालाई भूतप्रत झैं मान्नु आवश्यक छैन । तर सर्तक हुनु आवश्यक छ । किनकी कोरोना मात्र औषधी नभएको होइन अहिले सम्म बल्ड फ्लोको , एड्सको, क्यान्सर लगायत धेरै रोगहरुको औषधी तयार भएको छैन । त्यसैले भयभित भएर बाँच्नु भन्दा पनि संयमित भएर बाँच्नु आवश्यक छ । अझ नेपालमा मानवियतालाई बिर्सेर अमानवीय कार्य गर्न पछि नपर्ने र पैसाकोलागी जे पनि गर्ने समूहहरुको पनि बाहुल्यता रहेकोले यस्तो हल्ला फिजाएर आम्दानीको श्रोतहरु बनाइरहेका छन् भन्ने कुरा बुद्धवार ६ वटा फर्महरुलाई कारवाही गरेको घटनाले पनि स्पष्ट गर्दछ । त्यसैले चिन्ता होइन चिन्तन गर्नु र लापरवाही होइन संयमिता र होसियारी र सर्तकता अपनाए कोरोना मात्र सबै भाइरस र रोगबाट बच्न सकिन्छ ।
त्यसैगरि सत्तारुढ पार्टी नेकपा भित्र चर्को विवादको बिचमा प्रधानमन्त्री केपी ओलीको दोश्रो पटक मिग्रौला प्रत्यारोपन टिचिंग अस्पतालमा उपचार सफलता पुर्वक सम्पन्न भएको छ । सबैभन्दा पहिला प्रधानमन्त्री केपी ओलीको शिघ्र शिघ्र स्वास्थ्यलाभको कामना बुद्धवाणी परिवार गर्दछ ।
प्रधानमन्त्री केपी ओलीको दोश्रो पटक मिग्रौला प्रत्यारोपनसंगै नेपालको स्वास्थ्य क्षेत्र अब विश्वस्तरको भएको चर्चा परिचर्चा पनि हुन थालेको छ । जुन नेपाली जनताकोलागी अत्यन्तै खुशीको कुरा हो । अत्यन्तै महँगो रोगको रुपमा रहेको मिग्रौला प्रत्यारोपन नेपालमा नै स्तरीय रुपमा सम्पन्न हुनसक्नु नेपालकोलागी गौरबको विषय हो । हुनत टिचिंग अस्पतालको तथ्यांकलाई हेर्ने हो भने अहिले सम्म ८०० जनाको मिग्रौला प्रत्यारोपन गरिसकेको छ भने यसको सफलता ९२ प्रतिशत रहेको छ । जुन अत्यन्तै स्तरीय सकारात्मक कुरा हो ।
रुघाखोकी लागेमा पनि विदेशमा जाने हाम्रा नेताहरुको बानी रहेकोमा समयमा प्रधानमन्त्री ओली दोश्रो पटकको मिग्रौला प्रत्यारोपन नेपालमा नै गराएर नेपालमा कार्यरत स्वास्थ्यक्षेत्रलाई विश्वसनीय रहेको प्रमाणीत गरिदिएको छ । जुन प्रधानमन्त्रीको सह्रानीय कार्यहो ।
तर अहिले प्रधानमन्त्री ओलीको नेपाली डाक्टरहरुप्रति गरिएको विश्वासलाई देशभक्तिको रुपमा व्याख्या गर्ने गरिएको छ । जसलाई भने स्वास्थ्यलाई पनि राजनीतिक फाईदाको रुपमा प्रयोग गर्ने कार्य भएको बुझिन्छ । किनकी यदी नेकपा भित्र विवाद सृजना नभएको प्रधानमन्त्री ओली नेपालमा होइन अमेरीका मिग्रौला प्रत्यारोपनकोलागी जाने तयारीमा रहेको र यसकोलागी डा. दिब्या सिंह अमेरीकामा गएर सबै ब्यवस्था मिलाएर आएको समाचार पनि आएको नै छ । तसर्थ अहिले ओलीको नेपालमा मिग्रौला प्रत्यारोपन रहर र विश्वास भएर होइन बाध्यतामा भएको भनेर बुझिन्छ । तर उनको बाध्यतालाई नेपाली चिकित्सकहरुले हामी नेपाली पनि विश्वस्तरीय सेवा दिन सक्छौं भन्ने प्रमाणीत गरिदिएको छ ।
नेपालको शासकहरुको पहिलो दायित्व नै आफ्नै देश र यहाँका जनतालाई विश्वास गर्ने हो । जसको उदाहरण भनेको राजाहरुले सदैब देखाउँदै आएका छन् । राजपरिवारलाई कुनै पनि रोग लागेमा विदेशमा होइन नेपालमा गर्ने गरेको इतिहास रहेको छ भने राजा ज्ञानेन्द्रबाट पनि जस्तोसुकै रोग भए पनि नेपालमा नै उपचार गरेर निको भएको घटना पनि ताजै रहेको छ ।
तसर्थ अहिले ओलीको सफल मिग्रौला प्रत्यारोपनले पुन एकपटक राजपरिवारले विश्वास गरेको तर नेताहरुले अविश्वास गरेको चिकित्साह क्षेत्र वास्तवमा नै विश्वस्तरीय भएको प्रमाणित गरिदिएको छ । भनिन्छ नी हिराको मुल्य हेराको व्यापारीले मात्र थाहा हुन्छ भने झैं आज यही उखान चरित्रार्थ भएको छ ।

नेपालमा राजतन्त्र पुनस्थापना हुँदैछ

Main News

यो हप्ता देशको राजनीतिमा संविधान संशोधनको विषयले ब्यापक चर्चा परिचर्चा पायो । जनताबाट दुइतिहाई मत पाएको नेकपाका प्रचण्ड बामदेब गौतमलाई प्रधानमन्त्री बनाउन राष्टियसभाका सदस्य पनि प्रधानमन्त्री सक्ने व्यवस्था गर्न संविधान संशोधन गर्न चाहे भने प्रधानमन्त्री केपी ओली राष्टपतिलाई सेरोमोनियमबाट संम्बैधानिक राष्टपति हुने गरि संविधान संशोधन गर्न चाहे ।
नेपाली जनता समृद्ध नेपाल र सुखी नेपालीको सपना सहित नेकपालाई जनताले दिएको अभिमतलाई आआफ्नो व्यक्तिगत स्वार्थकोलागी उपयोग गरिरहेको देख्दा नेपाली जनता निराश र आक्रोशित भएका छन् । आज देशको संविधानलाई देश र जनताको हितकोलागी उपयोग गर्नु पर्नेमा नेताहरुको सत्तास्वार्थकोलागी उपयोग गरिरहे । संविधान संशोधन गर्नु नै हुँदैन भन्ने होइन संविधानलाई देशको आवश्यकता अनुसार संशोधन गर्नु पर्दछ तर अहिले एक व्यक्तिको स्वार्थकोलागी संविधान नै संसोधन गर्न कार्यदल समेत गठन गर्ने कार्यले यी गणतन्त्रवादी नेताहरु वास्तवमा नै नेपाल र नेपालीहरुकोलागी शासन आएका होइन भन्ने कुरा स्पष्ट रुपमा देखाएको छ ।
हुनत ०६२ को कथित जनआन्दोलन नै विदेशीहरुको निर्देशनमा राजतन्त्रलाई समाप्त गरेर देशलाई बर्बाद गर्न गरिएको हो भनेर फैलिएको कुरा आज यर्थात रुपमा परिणत भएको छ । त्यसैले आज बालुवातार काण्ड, वाइदी काण्ड, होली वाइन काण्ड,नेपाल टष्ट काण्ड, गोकुल बास्टोला काण्ड आदी काण्डैले देखाएको छ । भने भारतबाट नेपालको भूभागलाई कब्जा गर्दा पनि मौनख हुनु, एसीसी जस्ता देशघाती सम्झौताहरु देशमा ल्याउनुले पनि नेपालमा राजतन्त्रलाई किन हटायो र किन गणतन्त्र स्थापना गरियो भनेर ऐना झैं स्पष्ट भएको छ ।
यसरी देशलाई लुट्ने र परतन्त्र बनाएर मात्र होइन गरिब मजदुरहरुलाई समेत जर्वजस्ति कर तिर्न लगाउनु मात्र होइन अब किताबमा कर, पेटोलमा विकास कर भनेर नेपाली जनतालाई लुटिरहेका छन् । कर उठाउनु पर्छ देशको ढुकुटी करले नै भर्र्ने हो । करले नै देशको आर्थिक ब्यवस्था संचालन हुुने हो । तर कर के मा लगाउने भन्ने मूल प्रश्न हो भने अहिले जुन किसिमले हरेक तह र तप्कामा नेपाली जनताको ढाड नै सेक्ने गरि कर लिइरहेका छन् ती करको रकम कहाँ गयो र के का लागी उपयोग गरे ? आज प्रश्न यो रहेको छ ।
देशको विकास र समृद्धिकोलागी कर उठाइरहेको हो भने नेपाली जनता दिनपरदिन एकछाक खान धौ धौको स्थितिमा रहेका छन् । रोजगारी पुर्णरुपले अस्तब्यस्त भएको छ । वेराजगारीको समस्या दिनदुगुणी रातचौगनी बढीरहेको छ । विकास हेर्ने हो भने एउटा सकड सम्म व्यवस्थित हुन सकेको छैन । महंगी, कालोबजारी र भ्रष्टचार, असुरक्षाले देशलाई खाइरहेकोछ ।
आज नयाँ नेपाल भनेर भनिएको गणतन्त्रको शासनमा नेपाल राणाकालीन अवस्थामा पुगीरहेको छ । सरकार र उनका कार्यकर्ता मात्र सुखी र समृद्ध बन्दै छ भने नेपाल र नेपाली जनता गरिब र बर्बाद हुँदै छ । त्यसैले अब संविधान संशोधन गर्नु पर्दछ तर त्यो व्यक्तिकोलागी होइन देश र जनताकोलागी संशोधन गर्नु पर्दछ । देश र जनताको अहिलेको आवश्यकता र चाहना भनेको राजतन्त्रको पुनस्थापना हो त्यसैले अब विगतमा संम्बैधानिक राजतन्त्र सहितको बहुदलीय व्यवस्था हुने गरि संविधानलाई तत्काल संशोधन गर्नु पर्दछ ।किनकी अब गणतन्त्रले् देशलाई बचाउन सकिन्न र राजतन्त्रले मात्र सकिन्छ ।
तसर्थ व्यक्तिगत स्वार्थकोलागी संविधान संशोधन गर्न तयार हुने यी सत्तापिपासुहरुलाई अब नेपाली जनताले संम्बैधानिक राजतन्त्र सहितको बहुदलीय व्यवस्था कायम हुने गरि संविधान संशोधनकोलागी दवाव दिनु पर्दछ । यसकोलागी नेपाली जनता अब सडकमा आउन विलम्ब गर्नु हुदैन । होइन भने बहुमतको आडमा संविधानमा जे पनि गर्न पछि पर्ने छैन भन्ने कुरा त संविधान संशोधनकोलागी गठन गरिएको कार्यदलले नै देखाईसकेको छ । एमसीसी जस्ता देशघाती सम्झौतालाई संसदबाट पास गर्ने दाउमा छ । नेपालको भुभाग भारतलाई सुम्पिसकेकोछ । मन्त्रीहरु नै कमिशन खान तल्लिन छन् । जनतालाई कर नै करले मारीरहेका छन् । त्यसैले देशलाई बचाउने हो अब राजतन्त्र एक मात्र विकल्प रहेको कुरामा कुनै दुइमत नै छैन । तसर्थ समय छँदै राजतन्त्रकोलागी आवाज बुलन्द गर्नूृ बुद्धिमानी हुनेछ ।
होइन अहिले पनि मौन बसेर दलहरुको कार्यलाई विरोध नगर्ने हो भने देश अफगानिस्थान हुन अब धेरै समय लाग्ने छैन । यस तर्फ नेपाली जनताले सोच्नु आवश्यक छ । हुनत राजा ज्ञानेन्द्रबाट पनि समय समयमा देशको बिग्रदो अवस्थाबारे बोली बक्सेको छ र देश र जनता हितकोलागी कहिल्यै पछि नहटने बताईबक्सेको छ । त्यसैले प्रश्न अब यो छ कि नेपालमा राजतन्त्रलाई नेपाली जनताले पुनस्थापित गर्ने कि विदेशीहरुबाट पुनस्थापित गर्ने भन्ने मूल प्रश्न हो । किनकी
राजाबाट अब देश बर्बाद भएको तुलुतुलु हेरर बस्न सकिन्न किनकी राजा यो देशको निर्माता हो । देश र जनताको अभिभावक हो । त्यसैले देश बचाउन राजा पनि आफ्रनै गतिमा तयारी गरिबक्सिरहेको छ भने भारत तथा चीन पनि यी नेपालमा राजसंस्था रहेमा उनीहरु पनि सुरक्षित हुने बुझीसकेको छ । तसर्थ विदेशी शक्ति नेपालमा राजसंस्था पुनस्थापना गर्न तयार छन तर राजा नेपाली जनताबाट नै पुनस्थापित हुन चाहिबक्सन्छ । तसर्थ राजसंस्था पुनस्थापना हुँदैछ अब कुन माध्यमबाट गर्ने निर्णय नेपाली जनताको हातमा । सबैलाई चेतना भया ।
बिसन्तर शाक्य

गणतन्त्र मुर्दावाद राजतन्त्र जिन्दाबाद

Main News
बिसन्तर शाक्य
राजा ज्ञानेन्द्रबाट दलहरुलाई प्रजातन्त्रलाई आफ्नो स्वार्थको लागी मात्र प्रयोग भइरहेको र नेपाली जनतालाई प्रजातन्त्रको उपभोग नपाएको भनिबक्सँदै प्रजातन्त्र टाठा बाठा र आर्थिक आर्जनकोलागी मात्र प्रयोग नगर भनेर दलहरुलाई चेतावनी दिइबक्सेको थियो ।
प्रजातन्त्र दिवसको उपलक्ष्यमा राजाबाट व्यक्त गरिबक्सेको सदासयलाई दुइतिहाईको अहँमतामा नेपालका प्रधानमन्त्री केपी ओलीले राजालाई धम्की दिंदै हामीले माघ १९ र जेठ १९ लाई बिर्सेका छैनौं । हामीलाई केही उपदेश दिएर हिडिरहेको छ भनेर राजालाई अपमान गर्ने कार्य गरेको थियो ।
यसरी राजाको अपमान गर्दा र धम्कि दिंदा पनि राजाले त्यसको जवाफ दिइबक्सेन । राजाले चाहीबक्सेको भए राजाले पनि हामीले पनि झापा काण्ड, टनकपुरकाण्ड, एमसीसी काण्ड, होली वाइन काण्ड, गुठी काण्ड, आदी काण्डहरु बिर्सेका छैनौं भनेर भन्न सकिबक्सन्थ्यौं । तर राजा र यी विदेशी दलाल नेताहरुको बीचमा फरक नै यही हो कि राजा सदैब देश र जनताको हितमा बोलीबक्सन्छ भने यी विदेशी दलाल नेताहरु आफ्नो स्वार्थकोलागी ।
तर राजाले केही बोल्नै नपर्ने गरि काण्डै काण्ड मच्चाइ रहेका गणतन्त्रवादीहरुको शासनमा फेरि प्रधानमन्त्री ओलीका प्रिय एवं सरकारी प्रवक्ता गोकुलप्रसाद बास्कोटा ७० करोड कमिसन माग्दैै गरेको अडियो सार्वजनिक भएको छ । त्यो पनि सबूत प्रमाण सहित ।
प्रधानमन्त्री ओलीले भ्रष्टाचार विरुद्ध शुन्य सहनशीलता भनेर भनीरहेको समयमा तथा उनले नै सबैभन्दा स्वच्छ, इमान्दार एवं नैतिकवान भनेर भनिएका सरकारी प्रवत्ता बास्कोटाला नै भ्रष्टाचारमा सप्रमाण सहित पुष्ठि हुँदा यसमा प्रधानमन्त्रीको आलीको पनि सहभागीता रहेको छ कि भन्ने प्रश्न जनमानमा तिब्र भएको छ किनकी यस काण्डबारे प्रधानमन्त्रीलाई डेढ महिना अघि नै जानकारी गराइसकेको समाचार पनि सप्रमाण सहित आएको छ । त्यसैले त कमिशसनखोर गोकुलप्रसाद बास्कोटालाई राजीनामा मात्र गराएर कारवाही केही गरिएन । अझ सप्रमाणसहित गोकुलप्रसाद बास्कोटाको भ्रष्टाचारलाई उजागर गर्दा पनि प्रतिनिधिसभा अन्तर्गतको सार्वजनिक लेखा समितिको बिहीबारको बैठकमा नेकपा संसद सूर्य पाठकले सेक्युरिटी प्रेस खरिद प्रक्रियालाई अगाडि बढाउन सांसदहरू पनि भ्रष्टाचारमा संलग्न रहेको भनेर फेसबुकमा प्रभातकिशोर उपाध्यायले अफवाह फैलाएको भन्दै आपत्ति मात्र होइन पक्रेर कार्वाही गर्न प्रहरीसमक्ष उजुरी दिएको छ घटनाले गणतन्त्र भनेको नेपाल र नेपालीहरुको लागी कति घातक छ भनेर देखाइरहेको छ ।
हुनत यी गणतन्त्रवादीहरु कति सम्म देश र जनतामारा छन् भन्ने कुरा तकेही समय अघि मात्र ललितनिवास काण्डमा नेकपाका प्रवक्ता बिष्णु पौडेलले सरकारी जग्गा हडप्डा जग्गा फिर्ता दिएको भनेर कारवाही गरिएन । सरकारी जग्गालाई व्यक्तिगत बनाउन निर्णय गर्ने पुर्व प्रधानमन्त्री माधव नेपाल र बाबुराम भट्टराईलाई मन्त्रीपरिषदको निर्णयलाई अख्तियारले हेर्न नमिल्ने कानून बनाएर बचाए । त्यसैगरि सरकारी निकायमा रहेका व्यक्तिहरुले भ्रष्टाचार गरे ५ बर्ष भित्र अनुसन्धान गर्नुपर्छ । ५ बर्ष पछि मुद्धा लाग्दैन भनेर कानून बनाएर नेपालमा भ्रष्टाचारलाई संस्थागत गर्ने कार्यमा लागेका कम्युनिष्ट शासन भनेको नेपाल र नेपालीहरुकोलागी होइन नेता तथा उनका कार्यकर्ताहरुकोलागी मात्र हो भन्ने कुरा त निर्मला हत्या काण्ड, वाइदी काण्ड, फोर जी काण्ड, बालुवातार काण्ड, गोकुल काण्ड आदीले स्पष्ट गरिरहेको छ ।
त्यसैले त राजाले आफ्नो सन्देशमा प्रजातन्त्र शब्दमा होइन कर्ममा उत्रनु पर्दछ, रुपमा होइन सारमा भल्कनु पर्दछ । प्रजातन्त्र कुनैं अलंकार नामान्तरण वा रुपान्तरण मात्र होइन त्यो जीवन पद्धति र व्यवहारमा देखिनु पर्दछ । राष्ट्रको प्रतिष्ठा प्रवद्र्धन र आम जनचाहनाको परिपूर्ति नै प्रजातन्त्रको प्राण हो ।” भनेर भनिबक्सेको थियो । वास्तवमा नै आज प्रजातन्त्र नेपाली जनताकोलागी होइन गणतन्त्रवादी नेता तथा कार्यकर्ताहरुकोलागी मात्र हो भन्ने कुरा त पत्रपत्रिका तथा सामाजिक संन्जालमा नेताहरुको विरोध गर्ने, उनीहरुको विरुद्ध लेख्नेलाई ५ बर्ष कैद वा १५ बर्ष कैद सजाय तोक्ने दुस्साहष गर्नुले पनि स्पष्ट गर्दछ ।
यसरी जनतालाई दुख दिइरहेको समयमा जनताको दुखमा साथ दिइ बक्सँदै राजाबाट आम जनचाहनाको परिपूर्ति नै प्रजातन्त्र हो भनेर दलहरुलाई घचघच्याइ रहेकोमा समयमा नेपाली जनताले पनि राजाको हस्तेमा हाइस्ते गर्नु आवश्यक रहेको छ ।
वर्तमान गणतन्त्रको शासकहरुले जनताको मौलिक हक अधिकार मात्र होइन नेपाली जनतालाई जनता पढेर शिक्षित हुन नपाओस भनेर राणाकालीन समयमा झैं शिक्षालाई जनताबाट बन्चित गर्न १० प्रतिशत कर किताबमा राखिदिएको छ । त्यत्तिले मात्र नपुगेर नेपाली जनता गणतन्त्र विरुद्ध आवाज बुलन्द गर्न नसकोस् सदैब कमजोर होस भन्ने योजना सहित नेपाली जनताले आफ्नो पुर्खाको सम्पत्ति हस्तान्तरण गर्दा पनि कर लगाएका छन् । दैनिक मजदुरी गर्ने कामदारको कमाइमा कर लगाएका छन, आज त्यस्तो कुनै क्षेत्र छैन जहाँ कर तिर्नु पर्दैन । अहिले जनता मरे मरोस तर हामीलाई कर तिर भनेर जनतालाई लुटी रहेका छन् ।
त्यसैले त राजाले आफ्नो सन्देशमा भनिबक्सेको प्रजातन्त्र केही टाठा बाठाका निमित्त मात्र होइन, केही आर्थिक स्वार्थका लागि मात्र होईन ः प्रजातन्त्र सबै जनता तथा सिंगो देशका निम्ति प्रतिफलकारी हुनु पर्दछ । तर आज ठीक यसको विपरित प्रजातन्त्रलाई आफ्नो स्वार्थ अनुकुल र भ्रष्टाचारकोलागी, जनतामारा करकोलागी, विदेशी दलाली गर्नुलागी मात्र उपयोग गरिरहेका छन् भन्ने कुरा त प्रचण्डले हिजो मात्रै नेपालमा कम्युनिष्टहरुको अवसान हुदैछ भनेर भन्नुले पनि स्पष्ट हुन्छ ।
त्यसैले अब त अति नै भयो यो  काण्डै काण्डकाे गणतन्त्रको शासन । अब यसको अन्त आवश्यक छ । र राजाले हाम्रो भौगोलिक, सामाजिक, सांस्कारीक र मौलिक मान्यता बुझेर अघि बढून् । प्रजातन्त्र सबै जनता तथा सिंगो देशका निम्ति प्रतिफलकारी कार्यमा लागौं भनिबक्से झैं नेपाली जनता पनि राजतन्त्र पुनस्थापना गर्ने कार्यमा लागौं र राजा र जनताको सहभागी , सहकार्यले मात्र नेपाल र नेपालीहरुको अस्तित्व, पहिचान, सुख शान्ति, समृिद्ध, , एकता एवं सुरक्षित हुन्छ भन्ने कुरा ऐना झैं छर्लग भइसकेको छ । तसर्थ अब नेपाली जनताले गणतन्त्र मुर्दावाद राजतन्त्र जिन्दाबाद भन्दै सडकमा आउनु पर्दछ । सबैलाई चेतना भया ।

भिक्षु आनन्दलाई बहिस्कार कहिले सम्म ?

Main News
बिसन्तर शाक्य
भगवान बुद्धले धम्मपदमा आज्ञा हुनु भएको छ “बैरभावले वैरभाव कहिल्यै शान्त हुँदैन अवेरभावले मात्र वैर भाव शान्त हुन्छ । ” शाक्युमनीको यस महान उपदेशलाई आज उहाँकै अनयायी भिक्षुहरुले अनुशरण गर्न सकिरहेको छैन भन्ने कुरा भिक्षु आनन्दले आफ्नो गल्तिलाई स्वीकार्दै पटक पटक क्षेमा याचना सहितको पत्र भिक्षुमहासंघलाई पठाईसक्दा पनि कुनै सुनुवाई नगरी वैरभाव राखी भिक्षु आनन्दलाई बहिस्कार गरिराखेको कार्यले देखाइरहेको छ ।
बुद्धभूमी नेपालमा आज भिक्षुहरुको संख्या हेर्ने हो भने ३ सय जना भन्दा बढी छैन जुन बुद्धभूमीकोलागी नै दुःखदायी कुरा भइरहेको समयमा भएका भिक्षुहरुको बिचमा पनि वैरभाव राखेर बहिस्कार गरेर एकआपमा मनमुताव राखेर जग हसाइरहेको छ ।
२०७३ साल देखि भिक्षु महासंघले भिक्षु आनन्दलाई बहिस्कार गरेको थियो । अहिले २०७६ सालको अन्तमा पुग्न लागी सकेको छ । यस बिचमा भिक्षु आनन्दले पटक पटक क्षेमा याचना सहितको पत्र पठाईसकेको छ भने उपासक उपासिका, बौद्ध संघसंस्थाहरुले पनि भिक्षु आनन्दलाई लगाइएको बहिस्कारलाई हटाएर भिक्षुसंघमा सामेल गर्न पत्राचार गरिसकेको छ । तर कसैको पनि कुरालाई वर्तमान भिक्षुमहासंघ भने झैं कानमा तेल हालेर बसीरहेका छन् । के यो बुद्धशिक्षा अनुरुपको कार्य हो ? आज भिक्षुमहासंघले विचार गर्नु पर्दछ ।
भिक्षु आनन्दका गुरु एवं युगपरुष संघनायक स्व. भिक्षु अश्वघोष महास्थविरकै चाहना बमोजिम भिक्षु आनन्दले संघनायक भन्तेबाट क्षेमा याचना गरेको पत्र भिक्षु महासंघलाइ पठाएमा संघमा पुनबहाली तुरन्तै हुने आज्ञा भए बमोजिम संघनायकसंग क्षेमा याचनापछि संघनायकबाट नै भिक्षु आनन्दलाई पुनबहाली गर्न निर्देशन गर्नु भएको पत्रलाई समेतलाई वेवास्ता गरेर संघनायक भन्तेको अगौरब एवं अपमान गरेको छ ।
संघनायक स्व. भिक्षु अश्वघोष महास्थविरबाटै भिक्षु आनन्दलाई बहिस्कार नगर्न पत्राचार गर्दा पनि भिक्षु आनन्दलाई बहिस्कार गर्ने कार्यलाई भिक्षु महासंघले निरन्तरता दिनुले शाक्यमुनी बुद्धले धम्मपदमा “ मलाई कुट्यो, मलाई गाली गरयो, मेरो लग्यो, मेरो अपमान भयो भनेर बारम्बार मनमा राख्नेको वैरभाव शान्त हुन्दैन ” भनेर आज्ञा हुनु भए झैं आज भिक्षु महासंघ पनि यही रोगबाट ग्रष्ट भएको देखिन्छ ।
( हुनत मलाई पनि संघनायक गुरु अश्वघोष भन्तेले आनन्दलाई बहिस्कार गर्ने कार्य अब पुग्यो उसलाई भिक्षुसंघमा पुन समावेस गरेको हेर्न मन छ भनेर भन्नुभएको कुरा म झलभल सम्झिरहेको छु अर्थात संघनायक भन्तको अन्तिम इच्छा नै भिक्षु आनन्दलाई भिक्षुसंघमा पुन सामेल गर्नु थियो ।)
भगवान बुद्धलाई ३ पटक मार्न खोज्ने देवदत्तलाई माफी दिनु भयो । सारीपुत्र महास्थविरले आफुलाई कुट्न आउने ब्राम्हणलाई माफी मात्र होइन उसलाई पिट्न आउने उपासकहरुलाई समेत गाली गरेर पठाउनु भयो । यसरी “ क्रोधलाई मैत्रीले, असत्यलाई सत्यले जित्ने ” शिक्षाको प्रणेता शाक्यमुनी बुद्धको अनुयासी भिक्षुहरुमा म , मेरो , मलाई भन्ने अहँमताले भरिपूर्ण भएको देखिएको छ । यदी भिक्षुमहासंघ नै आफ्नो सदस्यले माफी माग्दा माफी नदिई अहमता देखाउने हो भने भिक्षुहरुले दिने उपदेशलाई गृहस्थीहरुलाई कसरी लिने र कसरी सम्झाउने ?
भिक्षुृ आनन्दले गल्ती गरयो होला , गल्ती मानिसबाटै हुन्छ पनि तर ताली एक हातले बज्दैन भन्ने कुरालाई पनि नकार्नु हुँदैन । तैपनि भिक्षु आनन्दले गल्ती नै गरेको भए ३ बर्ष सम्म उनलाई बहिस्कार गरेर दण्ड त दिइसकेको छ र उसले भोगी सकेको छ भने अहिले सम्म केका लागी यो वैरभाव हो ? के भिक्षु महासंघले एकपटक बहिस्कार गरेपछि आजिवन नै बहिस्कार गर्ने नियम हो कि ? बौद्ध जगतलाई जवाफ दिनु पर्दछ भिक्षु महासंघले ।
होइन भने किन भिक्षु आनन्द स्वयं संघको समक्ष गएर क्षेमा याचना गर्दा पनि वेवास्ता गरिएको छ ? पटक पटक माफी माग्दा पनि माफी नपाउनुको कारण के हो यसको पनि जवाफ भिक्षु महासंघले दिनु पर्दछ । होइन भने यसरी आफुखुसी गर्ने अधिकार भिक्षुमहासंधलाई अधिकार छैन ।
यसरी लिखित मौखिक रुपमा आफु नतमस्तक भई क्षेमा याचना गर्दा पनि सहानुभूति समेत देखाउन नसक्न्ो भिक्षु संघको कार्यले संसारलाई धर्म, नैतिकता, मैत्री करुणा तथा शान्तिको शिक्षा दिने भिक्षुसंघ कतै आफ्नै मार्गबाट भत्किएर अतिवादी, अशान्तिवादी महासंको दर्जामा त गएन ? सोच्नु आवश्यक छ
भिक्षु महासंघ कुनै दल, संघसंस्था होइन , यो विशुद्ध धार्मिक संस्था हो । निर्वाण प्राप्त गर्न आफ्नो परिवार, घरवार त्याग गरेर भिक्षु भएर उपासका उपासिकाहरुको दानबाट आफ्नो जिविका चलाउनु पर्ने भिक्षुहरुको चरित्र नै यस्तो भएमा यसले भिक्षुहरुको बदनाम हुने् मात्र नभई बुद्ध शासनलाई हानी गर्नेछ ।
तसर्थ भिक्षु महासंघले भिक्षु आनन्दबाट पठाइएको माफीपत्रलाई गम्भिरपुर्बक लिएर भिक्षुमहासंघबाट के कस्तो प्रकृया अपनाउनु पर्ने भए अपनाएर तत्काल भिक्षु आनन्दलाई भिक्षुसंघमा सम्मिलित गराउनु पर्दछ । होइन यसरी नै वैरभाव र अहमता राखेर बसिरहे भिक्षुसंघ र बुद्धशासनलाई नै हानी पुरयाउने निश्चित छ ।
आखिर भिक्षु आनन्द पनि घरवार परित्याग गरेर श्री लंकामा बुद्ध शिक्षा अध्ययन गरेर देश विदेशमा बुद्ध शिक्षालाई प्रचार गरिरहेका एक सक्षम र सबल भिक्षु हुन । पुर्वसभासद जस्तो भइसकेको यस्ता सबल र सक्षम भिक्षुलाई बहिस्कार गरेर संघलाई फाइदा होइन बेफाइदा नै हुनेछ । तसर्थ संघको यस्तो असहिष्णु व्यवहारले अन्तत संघमा नै घात प्रतिघात, आन्तरिक कलह भएको संघको रुपमा जनमानसमा उजागर हुनेछ ।
त्यसैले बुद्धले “ एकदिन मर्नु पर्छ भन्ने विचार गर्ने वित्तिकै कलह शान्त हुन्छ” भनेर आज्ञा हुनु भए झैं भिक्षुमहासंघले आफ्नो गरिमा, गौरब र संघको चरित्रलाई अनुसरण गर्दे माफी मागीसकेका भिक्षु आनन्दलाई तत्काल माफी दिएर भिक्षुमहासंघमा सामेल गराउनु नै आजको आवश्यकता हो । बुद्धशिक्षाको चरित्र हो । नत्र भिक्षु महासंघको औचित्यमा माथि नै प्रश्न चिन्ह उठ्नेछ र यसको जवाफदेहीता स्वयं भिक्षुमहासंघ नै हुनेछ । र “सुखा संघस्स समागम” भन्ने बुद्धको उपदेशको नै अपमान हुनेछ । सबैलाई चेतना भया ।





नेता देखि लिएर उच्च पदस्थ व्यक्तिहरुले भगवान बुद्धलाई अन्तरास्ट्रिय सम्बन्ध स्थापना गर्ने माध्यम मात्र बनाईरहे

Main News
बिसन्तर शाक्य
बुद्ध जन्मेको देश भनेर गर्वसाथ छाति फुलाएर विदेशमा भन्छौं र घाँटी सुक्ने गरि प्रचार गर्छौं तर जहाँ बुद्ध जन्मिए हुन् त्यहाँ नै बुद्धको अपमान हुन्छ भने अब प्रचार गर्नुको के सार्थकता छ र ? सुर्खेतको काँक्रे विहारमा विधिवत रुपमा प्रशासनको स्वीकार्यतामा स्थापना गरिएको भगवान बुद्धको मुर्ति बलजफ्ती पुलिस प्रशासनमा लगेर चोरलाई झैं सिक्रिले बाँधिएर राखिएको छ । यसलाई विधिवत रुपमा स्थापना गर्न कसैले पहल गरिएको देििखएको छैन ।
त्यसैगरि पश्चिम नेपालको रूपन्देहीम जिल्लामा गौतम बुद्धको इतिहाससँग जोडिएको एउटा प्राचीन पोखरी मासेर तिलोत्तमा नगरपालिकाले धमाधम भवन निर्माणको काम अगाडि बढाएको छ। कपिलवस्तुको तिलौराकोटबाट माइती मानिने रूपन्देहीको देवदह जाँदा सिद्धार्थ गौतमकी आमा मायादेवी कुमारवर्तीमा बास बसेको किंवदन्ती अहिले पनि प्रचलित छ। मन्दिरमा मायादेवीको मूर्ति र एउटा प्राचीन इनार छन्। त्यसैगरि तिलोत्तमा नगरपालिकाले राखेका मुर्ति तोडफोड गरेको गरिएको थियो । गौतमबुद्धको जन्मस्थल रुपन्देहीमै पाँच वटा बुद्धका मुर्ति तोडफोड भएको घटनालाई सरकारले हल्का रुपमा लिएर तोडफोडमा संलग्नलाई कानूनी दायरामा ल्याएको छैन ।
बुद्धकै नाम जोडेर सरकारले पर्यटन बर्ष २०२० र प्रदेश देश सरकारले लुम्बिनी भ्रमण वर्ष मनाई रहेको अवस्थामा पुलिस प्रशासनमा लगेर चोरलाई झैं सिक्रिले बाँधिएर राखिए, बुद्धका मुर्ती तोडफोड तथा बुद्धको इतिहाससँग जोडिएको मानिने एउटा प्राचीन पोखरी मासेर तिलोत्तमा नगरपालिकाले धमाधम भवन निर्माणको काम अगाडि बढाएकोको घटनामा प्रदेश सरकार, लुम्बिनी विकास तथा बौद्ध जगत मौन रहेको छ ।
त्यसैगरि बुद्धको जन्मस्थल लुम्बिनीमा विदेशीले चढाएका मुद्रा नेपाल राष्ट्र बैंकले विनिमय नगर्ने भएकोले गर्दा लुम्बिनीमा स्वदेशी तथा विदेशीले चढाइएका स्वदेशी र विदेशी कैयौं नोट धुजाधुजा भएका छन। कुनै कुनै मुलुकको एउटै नोट एक लाखसम्मको छ । दानबाट संकलित १९ करोड रुपैयाँभन्दा धेरैका विदेशी मुद्रा कागजको खोस्टो सरह बनीरहेका छन् । सरकारले श्रद्धापूर्वक चढाएका मुद्राहरुलाई सतही गरि लुम्बिनी विकासमा लगाउनु पर्नेमा उल्टै सटही नै नगरी करोडौं भेटीलाई खेर फालेर लुम्बिनीमा भेटी नचढाओस भन्ने षडयन्त्र गरिरहेका छन् ।
त्यसैगरि सिद्धार्थ गौतमको जन्मस्थलको अकाट्य प्रमाणको रुपमा रहेको विश्वसम्पदा सूचीमा सूचीकृत २२ सय ५० वर्ष पुरानो पुरातात्विक र धार्मिक महत्वको बुद्ध जन्मस्थल लुम्बिनीमा रहेको अशोक स्तम्भमा क्षयीकरणको खतरा देखिएको छ । स्तम्भमा त्यस क्षेत्रको बिग्रँदो वातावरणीय प्रभाव पर्दा स्तम्भ खिइन थालेको छ । लुम्बिनी क्षेत्रमा बढ्दो प्रदूषण र सिमेन्ट कारखानाबाट आउने हानिकारक कण टाँसिएर स्तम्भमा रासायनिक प्रतिक्रियाबाट क्षयीकरण भइ मक्किन थालेको विज्ञहरुले बताइरहेका छन् । खुला आकाशमुनि रहेको स्तम्भमा चढाइएका पूजा सामग्री, प्रसाद, ‘परफ्युम’ र तेलका कारण पनि नकारात्मक असर स्तम्भलेखमा पुगेको देखिन्छ । भगवान् गौतमबुद्धको जन्मस्थल लुम्बिनी नै हो भन्ने ठोस प्रमाण यही अशोक स्तम्भ हो । जसमा ब्राह्मी लिपि र पाली भाषामा गौतमबुद्धको जन्म यही स्थानमा भएको उल्लेख गरिएको छ । तर, अहिलेसम्म सरकारले कुनै कदम चालेको छैन । लुम्बिनी विकास कोष मुकदर्शक मात्र बनिरहेको छ । न त सिमेन्ट कारखाना नै अन्यत्र सारिएको छ ।
नेपालका नेताहरु देखि लिएर उच्च पदस्थ व्यक्तिहरुको विदेश भ्रमण गर्दा बुद्धको मुर्ति नै उपहार दिन पछि पर्दैन, शान्तिको बिषयमा बोल्दा भाषण दिंदा बुद्ध कै नाम लिन पछि पर्दैन तर स्वदेश मै बुद्धको अपमान गरिंदा कोहि बोल्दैन? आखिर किन? किन भने यी नेता देखि लिएर उच्च पदस्थ व्यक्तिहरुले भगवान बुद्धलाई अन्तरास्ट्रिय सम्बन्ध स्थापना गर्ने माध्यम मात्र बनाईरहेका छन् ।
यसरी बुद्धभूमीलाई देखावति रुपमा वर्तमान सरकारले प्रचार गरेर साथ दिएको जस्तो गरेर भित्रभित्रै बुद्धधर्मलाई समाप्त गर्ने कार्य तर्फ अग्रसर भइरहेको देखिएकोछ भने भारतले बुद्धभूमीलाई आफ्नो बनाउन षडयन्त्र गररहेको समयमा अहिले भइरहेको गतिविधिले कतै लिपुलेक झैं लुम्बिनीलाई पनि भारतीय बनाउने कार्यमा सहयोग गरि रहेको छैन भन्ने शंका पनि रहेकोले यस तर्फ सबै बौद्ध जगत सजग र सर्तक हुनु आवश्यक रहेको छ । सबैलाई चेतना भया ।

जुन कामको फल भोग गर्दा आँसु बहाई पछुतो गर्नु पर्ला, त्यस्तो काम सज्जनले नगर्नु नै बेस हो

Main News
बिसन्तर शाक्य
भगवान बुद्धले भन्नु भएको छ कि असारलाई सार मान्ने मिथ्यादृष्ठि भएका ब्यक्तिलाई सार वस्तु कहिल्यै प्राप्त हुँदैन । आज बुद्धभुमी नेपालमा देश र जनताको हित हुने कार्य भन्दा पनि नेता र उनका कार्यकर्ता तथा विदेशीहरुलाई फाइृदा हुने काम मात्र गर्ने भइरहेकोले गर्दा आज सुमृद्ध नेपाल र सुखी नेपालीको नाराले सार्थकता पाउन सकेको छै्न ।
आज सामाजिक संजाल तथा नेपाली जनजिब्रोमा एउटा कुरा अत्यन्तै प्रचलित भएको छ त्यो हो ः देशकोलागी लड्ने मान्छे शहीद भए देशद्रोही पो मेरो देशको मालिक भएछ । यसरी समृद्ध नेपाल र सुखी नेपालीको सपना देखेका नेपाली जनताको जनजिब्रोमा तथा समाजिक संजालमा भाइरल भएको यो भनाईले आजको नेपालको वास्तविक अवस्थालाई चित्रण गरिरहेको छ ।
हुन पनि आज नेपालको भूभाग लिपुलेक आदीलाई भारतले आफ्नो घोषणा गरेर आफ्नो देशको मानचित्रमा उल्लेख गर्दा पनि नेपाल सरकार लाचार भएर मौन बस्नु तथा अहिले फेरि एम.सि.सि.को काण्डले देशलाई तताइरहेको छ । सरकारीपक्षको बिचमा नै यो एम.सि.सि.लाई पारीत गर्नु हुन्छ र हुन्न भनेर विभाजित भइरहेकोछ भने सरकारको नेतृत्व गरिरहेका प्रधानमन्त्री ओली र प्रतिपक्षका नेता शेरबहादुर देउवा यसलाई तत्काल पारीत गर्नु पर्नेमा जोड दिइरहेका छन् । यसरी देशमा नेतृत्व गरिरहेका व्यक्तिहरुको बिचमा कोही एम.सि.सि. भनेको देशद्रोही कार्य भनिरहेका छन् भने कोही देशको हितकोलागी भनेर भनिरहेका छन् । तर वास्तविकता के हो भनेर जनतालाई बुझाउने काम भने कसैले गरिरहेको छैन ।
राजतन्त्र नै देशकोलागी बाधक एवं नेपाल र नेपालीहरुको विरोधी समान्त भनेर राजतन्त्रलाई हटाएर गणतन्त्रको स्थापना भएको नेपालमा आज अन्योलता, हत्या हिंसा, भ्रष्टाचार, कालोबजारी, विदेशी दबदबा तिब्र भएको छ । हालै कान्तिपुर दैनिकमा प्रकासित समाचारमा चीनसंगको सुपुर्दगी सन्धि अमेरीकोको दवाव पछि रोकियो भनेर लेखेको छ । यस समाचारले नेपालको सरकार र नेपाल र नेपालीको लागी नभएर विदेशीबाट परिचालित हुन भनेर स्पष्ट रुपमा देखाएको छ ।
त्यसैले बुद्धले धम्मपदमा आज्ञा हुनु भएको छ ः
भरसक आफुभन्दा गुणी मानिसको सत्संगत् गर्नु, नभए आफु समानको सत्संगत् गनर्’ तर आफुभन्दा दुर्गुणीको संगत् कहिल्यै नगनर्’ु यस्ताको संगत गर्नु भन्दा त सुदृढ मन राखी एक्लै हिंड्नु जाति छ ।
हिजो हामीले देश र जनताको अभिभावक, नेपाल निर्माता एवं गुणी राजतन्त्रको साथ छोडेर सत्ता र भत्ताकोलागी देश र जनतालाई नै बेच्न तयार हुने दुर्गुणी गणतन्त्रवादी सरकारको साथ दिएको कारणले गर्दा आज दुख पाउन बाध्य भएका छन् । त्यसैले बुद्धले भन्नु भएको छ ः
जुन कामको फल भोग गर्दा आँसु बहाई पछुतो गर्नु पर्ला, त्यस्तो काम सज्जनले नगर्नु नै बेस हो । तसर्थ हिजोको गल्तिले गर्दा आज नेपाली जनता आँशु बहाई पछुतो गर्नु परेको हुँदा यसलाई सच्याउनु अत्यन्तै जरुरी छ । त्यसकोलागी अब यी गणतन्त्रवादीहरुलाई तह लगाउन र देश र जनतालाई बचाउन राजतन्त्रको पुनस्थापनाको कार्य गर्नु पर्दछ ।
होइन भने अहिले एम.सि.सि. पारीत भए नेपालमा अमेरीक सैनिकहरुले अखण्डा बनाएर देशलाई अफगानिस्थान, इराक बनाउने भन्ने जुन हल्ला छ , देशको भूभाग मिच्दा पनि केही बोल्न नसक्ने अवस्था छ र विदेशीको दवावमा नेपाले सन्धि समेत गर्न नसक्ने भन्ने खबर छ त्यसले नेपाल पूर्ण रुपले परतन्त्र भईसकेको छ भने । देश भित्र कै कुरा गर्ने हो भने , सुन काण्ड, वाइडी काण्ड, बालुवातार काण्ड, टुडिखेल काण्ड, महराकाण्ड काण्ड जस्ता काण्डै काण्डले देशलाई जर्जर बनाइरहेको छ। त्यसैगरि विकासको नाउँमा स्थानीयवासीहरुको घरबारबाट उठीवास गर्ने, गुठी विधयेक मार्फत धर्मसंस्कृतिलाई समाप्त गर्ने, होली वाइन काण्डले देशमा आफ्नो परम्परा, धर्मलाई मासेर विदेशी धर्म संस्कृतिलाई भित्र्याउने, इतिहासलाई मेटेर आफ्नो इतिहास लेख्ने जस्ता कार्यहरुले नेपालको अस्तित्व, पहिचान, स्वतन्त्रता सबै समाप्त हुने तरखारमा रहेको छ । त्यसमा पनि आफ्नो विरुद्ध केही बोल्न नसकोस भनेर संचार विधयेक मार्फत दण्डको व्यवस्था गर्नु र करको बोझले जनतालाई मार्ने गणतन्त्रान्त्रिक व्यवस्था नै नेपाल र नेपालीको उपयुक्त छैन । नेपाल र नेपालीकोलागी राजतन्त्र सहितको व्यवस्था मात्र उपयुक्त छ भनेर स्पष्ट रुपमा देखिसकेको अवस्थामा अब समयलाई खेर नफाली देशलाई बचाउन राजतन्त्रको पुनस्थापित गर्नै कार्यमा नेपाली जनता लाग्न्ुा पर्दछ । सबैलाई चेतना भया ।

मेयर शाक्यको कार्यलाई भक्तपुर ,ललितपुर लगायत सबै मेयरहरूले अनुशरण गर्नु पर्दछ

Main News
बिसन्तर शाक्य
विश्वशान्तिका नायक एसियाका ज्योति महामानव शाक्युमनि शुद्धको उपदेश आज अशान्त रहेको मानव जगतकोलागी अपरिहार्य भएको सबैले महशुस गरि विश्वमा बुद्ध शिक्षालाई प्रचार प्रशार तथा अनुशरण गरिहेकोछ । तर बुद्ध भूमी शाक्यमुनी बुद्धको उपदेश देशभर फैलिएर देश नै बौद्ध देश हुनु पर्नेमा आज बुद्ध शिक्षाको प्रचार प्रशार गर्न समेत सरकारको सहयोग नभइरहेको समयमा काठमाडौं महानगरपालीका मेयर विद्या सुन्दर शाक्यले नेपालमा बुद्ध शिक्षा प्रचार गर्न अत्यन्तै महत्चपूर्ण एवं विगत ५६ बर्ष देखि बौद्ध परियत्ति शिक्षाको नाउँमा देशभर नै बुद्धशिक्षालाई अध्ययन अध्यापन गराईरहेको नेपाल बौद्ध परियत्ति शिक्षालाई २३ लाख ६५ हजारको आर्थिक सहयोग गर्नु भएको खबरले बौद्ध जगतमा केही आसा पलाएको छ ।
अखिल नेपाल भिक्षु महासंघबाट संचालित परियत्ति केन्द्रको हाल नेपाल अधिराज्यभर बर्षेनी ५ हजार भन्दा बढी विद्यार्थीहरुबाट परिक्षाकोलागी आवेदन दिने गरेका छन् र परिक्षा दिइरहेका छन् भने अहिले २२ भन्दा बढी जिल्लाहरुमा परियत्ति संचालन भइरहेका छन । विगत ५६ बर्ष देखि निशुल्क पुस्तक, निशुल्क पढाई तथा विना पारिश्रमिक शिक्षकहरुले मानव कल्याणकोलागी बुद्ध शिक्षालाई प्रचार गर्दै आइरहेका थिए । परियत्ति संचालनको लागी अत्यावश्यक खर्च चन्दा र दाताहरुको यथा श्रद्धामा चल्दै आएका थिए । यसरी कुनै श्रोतसाधन विहिन भएर पनि ५६ बर्ष देखि निरन्तर निस्वार्थ मानव कल्याणको लक्ष्य सहित संचालित नेपाल बौद्ध परियत्ति शिक्षाले जुन गति लिनु पर्ने हो त्यो श्रोत साधनको अभावमा गर्न असफल भइरहेको थियो । तर यसलाई साथ दिएर वृहत निरन्तरता गर्नु पर्नेमा यस तर्फ सरकारले कहिल्यै ध्यान दिएको थिएन ।
आज नैतिक शिक्षाको अभावमा मानव जगत हत्या हिंसा, चोरी, डकैती , बलात्कार जस्ता जघन्य अपराधहरु बढीरहेका छन् । परिवारमा आफ्नो स्वार्थको लागी जन्मदिने आमा बुबालाई बृद्धाश्रममा राख्ने, घरबाट निकाल्ने जस्ता कार्य तिब्र भइरहेको छ । आज प्रत्येक व्यत्ति, परिवार, समाज र देश मात्र होइन विश्व नै अशान्त रहीरहेको समयमा बुद्ध शिक्षा मार्फत व्यक्ति , परिवार ,समाज , देश तथा विश्वमा नै शान्ति सुख, समृद्धि एवं मानवताको शिक्षा दिने बुद्ध शिक्षालाई जतिसक्यो त्यत्ति प्रचार गर्नु आजको आवश्यकता हो । यस्तो महत्वपूर्ण शिक्षाको महत्वलाई शासकहरुले नबुझीरहेको समयमा बुद्धवंशमा नै जन्मेका काठमाडौं महानगरपालीका मेयर बिद्यासुन्दर शाक्य तथा गुजेश्वरी श्रेष्ठ , महानगरपालिका रामेश्वर श्रेष्ठ , तारापति खरेल , शाखा अधिकृत, शिक्षा विभाग, को अथक प्रयास एवं मेहनतले काठमाडौं महानगरपालिकाले परियत्तिको बार्षिक खर्च स्वरुप २३ लाख सहयोग गर्नु र यसलाई निरन्तरता दिने घोषणा गर्नु भएको देख्दा वास्तवमा नै शासकहरु बेइमान भए पनि मानव कल्याणकारी शाक्यमुनी बुद्धको शिक्षाको महत्व, आवश्यता र औचित्यलाई उहाँहरुले बुझ्नु भएकोमा उहाँहरुलाई बढाई तथा धन्यवाद दिनु हामी सबै कर्तब्य हो ।
मेयर शाक्यले परियत्तिकोलागी मात्र नभइ हालसम्म बुद्ध विहार पुननिर्माणको लागी १ करोड ,अन्तराष्टिय ध्यान केन्द्रको धम्म हलकोलागी ७० लाख तथा थप १ करोड १ लाख हस्तान्तरण गर्ने कार्यक्रम रहेको मात्र नभइ थेरवादी विहारहरुको विहारहरुको भौतिक विकास गर्न काठमाडौ महानगरपालीका सधैं तत्पर रहेको बताउनु भएको छ । उहाँ यस सद्कार्यमा सदैब अगाडी पाइला बढोस र बुद्धभूमीलाई वास्तवमा नै बुद्धभूमी बनाउन सफलता मिलोस् भन्ने शुकामना पनि व्यक्त गर्दछु ।
बुद्ध मानव कल्याणकारी मात्र नभएर नेपालको पहिचान र गौरब हुन भन्ने कुरा आज नेपाल भ्रमण बर्ष २०२०को सुरु भइरहँदा त्रिभूवन विमानस्थलमा नै बुद्धको मुर्ति स्थापना गरेर बुद्धभूमी नेपालमा स्वागत गर्दछ भन्ने शब्द र बुद्धमूर्तिले नै स्पष्ट गर्दछ । तसर्थ बुद्धशिक्षाको प्रचार गर्ने कार्य हरेक नागरिकको कर्तब्य हो त्यसमा पनि विशेष गरि सरकारी निकायका व्यक्तिहरुको दायित्व बढीरहेको हुन्छ । त्यसैले मेयर शाक्यले शुरु गर्नु भएको यस महान एवं पुण्य कार्यले व्यक्ति, परिवार, समाज र देशमा नै अशान्तिको बादल हटेर शान्ति सुखको वातावरण सृजना हुनेछ । त्यसैले मेयर शाक्यको कार्यलाई भक्तपुर ,ललितपुर लगायत सबै मेयर, प्रदेश प्रमखहरुले अनुशरण गर्नु पर्दछ ।
हुनत नेपालमा शाक्युमनी बुद्धलाई पनि आफ्नो स्वार्थकोलागी प्रयोग गर्ने नेताहरुमा तिब्र रहेको कुरा विदेशमा जाँदा बुद्धको कुरा गर्ने नेपाल फर्केपछि बुद्धलाई बिर्सने गर्दछ भने अहिले पनि भ्रमण बर्षकोलागी पनि बौद्ध देशमा प्रचार गर्न सरकारी निकाय पुग्नुले बुद्धको शिक्षाले मात्र होइन उहाँको नाम तथा बुद्ध शिक्षाको विकासले सम्पूर्ण देशवासी र देशलाई समृद्ध गर्न सक्दछ भन्ने कुरा पनि हो । त्यसैले बुद्ध शिक्षा प्रचार गर्ने बौद्ध परियत्तिलाई बार्षिक खर्चको साथै ५ करोडको एउटा अक्षय कोष सरकारले नै स्थापना गर्नुपर्दछ । त्यसैगरि बुद्ध शिक्षालाई प्रचार गर्ने सबै संघसंस्था, विहारहरुलाई पनि आवश्यक सबै श्रोत साधन सरकारबाट व्यहोनेै कार्य गर्नुपर्दछ । किनकी यो कुनै व्यक्ति वा संस्थाको लागी नभएर मानव जीवनलाई शान्ति, सुख मानव जीवन कल्याण गर्ने बुद्ध शिक्षाकोलागी हो । सबैलाई चेतना भया

राजसंस्थाView All

राजा ज्ञानेन्द्र वीर बिक्रम शाहदेव बाट प्रधानमन्त्री केपी ओलीको शिघ्र स्वास्थ्यलाभको कामना

राजा ज्ञानेन्द्र वीर बिक्रम शाहदेव बाट प्रधानमन्त्री केपी ओलीको शिघ्र स्वास्थ्यलाभको कामना गरिबक्सेको छ आज राजाबाट प्रमुख सचिब पशुपति भक्त महर्जन ज्यूलाई पठाइबक्सेर टिचिंग अस्पतालमा उपचार गरिरहनु भएका प्रधानमन्त्री केपी […]

राजारानी भारत भ्रमणबाट स्वदेश फिर्ति सवारी हाेइबक्से

राजा ज्ञानेन्द्र बीर विक्रम शाह देव तथा रानी काेमलराज्य लक्ष्मी देवी शाह दुई साताभन्दा लामो धार्मिक तथा सामाजिक यात्रापछि स्वदेश फिर्ति सवाारी हाेइबक्सेकाे छ । अाज आइतबार दिउँसो राजारानी भारत […]

राजा रानी बाट अाज भारतको अमृतसरस्थित शिखहरुको पवित्र तीर्थस्थल ‘स्वर्ण मन्दिर’को दर्शन

राजा ज्ञानेन्द्र बीर बिक्रम शाहदेव तथा रानी काेमल राज्य लक्ष्मी देवी शाहबाट अाज बिहीबार भारतको अमृतसरस्थित शिखहरुको पवित्र तीर्थस्थल ‘स्वर्ण मन्दिर’को दर्शन गरिबक्सेकाे छ । माैसुफहरूलाई स्वर्ण मन्दिर परिसरमा श्री […]

राजाबाट प्रजातन्त्रलाई आफ्नो स्वार्थ अनुरुप प्रयोग नगर्न दलहरूलाइ चेतावनी दिइबक्सेको छ

राजाबाट प्रजातन्त्रलाई आफ्नो स्वार्थ अनुरुप प्रयोग नगर्न दलहरूलाइ चेतावनी दिइबक्सेको छ । ७० राष्ट्रिय प्रजातन्त्र दिवसको अवसर पारेर राजाबाट देशवासीको नाउँमा बक्सेको सन्देश कुरा उल्लेख गरिबक्सेको हो । राजाबाट भनिबक्सेको […]

बाैध्द-गतिविधिView All

बुद्ध बिहारहरुमा सामूहिक पूजापाठ नगर्न अखिल नेपाल भिक्षु महासंघकाे आग्रह

कोरोना संक्रमणको जोखिमबाट बच्न अखिल नेपाल भिक्षु महासंघले अपिल गरेको छ । बुद्ध बिहारहरुमा सामूहिक पूजापाठ नगर्न आग्रह समेत गरिएकाे महासंघका महासचिव भिक्षु काेण्डन्यले बताए । सरकारले कोरोना सर्तकताका लागि […]

भिक्षु पञ्ञासार “त्रिपिटक विशारद“बाट “अकुशल कर्म“ विषयमा धर्मदेशना

श्रध्देय भिक्षु पञ्ञासार “त्रिपिटक विशारद“बाट कर्मविवपाक र पुनर्भव अन्तर्गत “अकुसल कर्म“विषयमा धर्मदेशना गर्नु भएको छ । युवा बौद्ध पुचः भक्तपुरको आयोजनामा भगवान बुद्ध बुद्ध भइसकेपछि सर्वप्रथम कपिलवस्तु नगरमा गमन गर्नु […]

अनगारीका संघबाट कोरोना भाइरसबाट सबै प्राणी मुक्त होस भन्ने कामना सहित बौद्ध स्थूपामा परित्राण पाठ

कोरोना भाइरसबाट सबै प्राणी मुक्त होस भन्ने कामना सहित धार्मिक पवित्रस्थल बौद्ध स्थूपामा परित्राण पाठ गरिएको छ । थेरवाद अन्र्तराष्टिय अनगारीका संघको आयोजनामा हिजो शुक्रवार बौद्ध स्थूपामा अनगारीका गुरुमाँहरुबाट नोबल […]

कोरोना भाइरसले सङ्क्रमितको शीघ्र स्वास्थ्यलाभको कामना गर्दै बुद्ध जन्मस्थल लुम्बिनीमा शान्ति प्रार्थना

बुद्ध जन्मस्थल लुम्बिनीमा कोरोना भाइरस सङ्क्रमणले मृत्यु भएकाप्रति श्रद्धाञ्जलि तथा सङ्क्रमितको शीघ्र स्वास्थ्यलाभको कामना शान्ति प्रार्थना गरिएको छ । लुम्बिनी पर्यटन व्यवसायी सङ्घद्वारा बिहीबार साँझ सो भाइरस सङ्क्रमणले मृत्यु भएकाप्रति […]

राजनीतिView All

नेपाल लकडाउन यस्ताे छ निर्णयहरु

नेपाल लकडाउन निर्णयहरु:- १. औषधी उपचार, खाद्यवस्तु खरिदजस्ता अत्यावश्यक काममा बाहेक कुनै पनि व्यक्ति घरबाट बाहिर ननिस्कने । २. अनुपतिप्राप्त सवारी साधन, स्वास्थ्यकर्मी, सुरक्षा निकायले प्रयोग गर्नेबाहेक सबै प्रकारका सार्वजनिक […]

भाेली ११ गते बिहान ६ बजेदेखि १८ गते बिहान ६ बजेसम्म घरबाट बाहिर निस्कन नपाउने

सरकारले एक हप्तासम्म घरबाट बाहिर निस्कन प्रतिबन्ध लगाएको छ। सिंहदरबार बसेको उच्चस्तरीय समन्वयन समितिको बैठकले ११ गते बिहान ६ बजेदेखि १८ गते बिहान ६ बजेसम्म घरबाट बाहिर निस्कन नपाउने निर्णय […]
/ राजनीति

आवास क्षेत्रमै विधुतीय शवदाहको योजना विरोधमा उत्रिए, स्थानीय

ललितपुरको शंखमूलमा आवास क्षेत्रमै विद्युतीय शवदाह बनाउन लागिएकोमा ललितपुरका स्थानीयवासीहरु संघर्षमा उत्रिएका छन् । विरोध प्रदर्शन गर्ने क्रममा उनीहरुले सोमबार ललितपुर महानगरपालिका र वडा नं ११ कार्यालयमा घेराउ गरी नाराबाजी […]
/ राजनीति

नेपालकाे पहिचान भनेकाे नै लुम्बिनी हाे

संस्कृति, पर्यटन तथा नागरिक उड्डयनमन्त्री योगेशकुमार भट्टराईले लुम्बिनीको वृहत्तर विकासका लागि सरकारले काम गरिरहेको बताउनुभएको छ । लुम्बिनी परिषद्को बैठकलाई हिजाे बुद्धवार सम्बोधन गर्दै उहाँले लुम्बिनीको विकासका लागि धेरै अध्ययन […]

सामाजिकView All

नेपालमा थप एक व्यक्तिमा कोरोनाभाइरस सङ्क्रमण भेटिए

नेपालमा थप एक व्यक्तिमा कोरोनाभाइरस सङ्क्रमण भेटिएको राष्ट्रिय जनस्वास्थ्य प्रयोगशालाका एक अधिकारीले पुष्टि गरेका छन्। योसहित नेपालमा भेटिएका सङ्क्रमित व्यक्तिको सङ्ख्या तीन पुगेको छ। तर तीमध्ये एक जना निको भइसकेका […]
/ सामाजिक

बिस्केट जात्रालाई औपचारिक पूजाआजामा मात्रै सीमित गरिने

विश्वव्यापी रुपमा फैलिएको कोरोना भाइरसको उच्च जोखिमप्रति संवेदनशील भई यो वर्षको विस्केट जात्रालाई औपचारिक पूजाआजामा मात्र सीमित गरिने भएको छ । भक्तपुर नगरपालिकाका प्रमुख सुनिल प्रजापतिको अध्यक्षतामा सोमबार सम्पन्न विस्केट […]
/ सामाजिक

सत्यमोहन लोक साहित्य भवन बनाउन जगकाे शिलान्यास

सत्यमोहन लोक साहित्य भवन बनाउन आज चैत ६ गते विहिवार बखुं बहाल स्थित सत्यमोहन जोशीको घर पुननिर्माणकोलागी जग राख्ने काम सम्पन्न भएको छ। ललितपुर महानगरपालिकाका मेयर चिरिबाजु महर्जनको उपस्थितिमा लोक […]
/ सामाजिक

युवाहरूलाई बुद्ध शिक्षाको माध्यमबाट चेतनशील बनाउने उद्देश्य लिई स्थापना भएको #मैत्रेय_युवा_संघ को २३ औं स्थापना दिवस

युवाहरूलाई बुद्ध शिक्षाको माध्यमबाट चेतनशील बनाउने उद्देश्य लिई स्थापना भएको #मैत्रेय_युवा_संघ को २३ औं स्थापना दिवसको उपलक्ष्यमा डा. अनोजा गुरुमांको प्रमुख आतिथ्यमा वार्षिक उत्सव कार्यक्रम थथुबही , जयकीर्ति महाविहारमा सम्पन्न […]
Go to Top