धर्म, संस्कृति, परम्परा, तथा राजसंस्थाप्रति समर्पित

ठेचाेमा “ज्ञानमाला बौद्ध जागरण कार्यक्रम ” सम्पन्न

बाैध्द-गतिविधि
ललितपुरक्षेत्रीय उप समितिको आयोजनामा तथा ग्वाननी ज्ञानमाला भजन खल: को ब्यवस्थापनमा ठेचाेमा "ज्ञानमाला बौद्ध जागरण कार्यक्रम " सम्पन्न भएकाे छ । नेपाल राष्ट्रिय ज्ञानमाला समितीद्वारा गठित ललितपुरक्षेत्रीय उप समितिको आयोजनामा ग्वाननी ज्ञानमाला भजन खल: को ब्यवस्थापनमा अायाेजित "ज्ञानमाला बौद्ध जागरण कार्यक्रम "काे गोदावरी नगर पालिकाका मेयर श्री गजेन्द्र महर्जनबाट उदघाटन गर्नु भएकाे थियाे । गत बर्ष मात्रै गठन भएको ग्वाननी ज्ञानमाला भजन खल: को ब्यबस्थापन मा-नेपाल राष्ट्रिय ज्ञानमाला समितिको ललितपुर क्षेत्रिय उपसमिति को आयोजना मा प्रत्येक महिना संचालन हुँदै आई रहेको - "ज्ञानमाला बौद्ध जागरण कार्यक्रम " भब्यता र धर्म गौरव पुर्वक सुसम्पन्न गर्नु भएको हाे । कार्यक्रममा भिक्षु निग्राेघ महास्थविरबाट धर्मदेशना गर्नु भएकाे थियाे । यस कार्यक्रम को विशेषता - पु्जनीय भन्ते, गुरुमॉं तथा बौद्ध विद्वानहरु द्वारा प्रस्तुत ज्ञानमाला भजनहरु मध्ये- एक भजनको भावार्थ व्याख्या मार्फ़त बुद्ध उपदेश श्रवण गर्ने सुअवसर प्राप्त हुने गर्दछ। ज्ञानमाला भजनको माध्यम बाट बुद्ध शिक्षा सिक्ने तथा सम्प्रेषण गर्ने यो कार्यक्रम को अभियान र मुख्य उद्धेश्य हुन् ।

बौद्धहरुको महान् उत्सव इतिल्हने सम्यक पर्व फागुन १४ र १५ गते आयोजना हुँदैछ ।

Main News
ललितपुर, फागुन ७ । सातसय वर्षदेखि आयोजना हुँदै आएको बौद्धहरुको एक महान् उत्सव इतिल्हने सम्यक पर्व यो वर्ष आउँदो ने सं ११४० चिल्लाथ्व तृतिया र चतुर्थी अर्थात् वि सं २०७६ फागुन १४ र १५ गते आयोजना हुँदैछ । पाटनको हिरण्यवर्ण महाबिहार (गोल्डेन टेम्पलको) अगुवाईमा हुने सम्यक महादानमा यसपटक ललितपुरका १८ विहार र १५ बहीबाट निम्तालु भएर आएका बुद्ध भगवानका विविध रुपलाई महादान गरिन्छ । साथै यस पर्वमा नेवार बौद्ध परम्परा अनुसार शाक्य तथा वज्राचार्य भिक्षुहरु तथा ललितपुरका साथै काठमाडौं, भक्तपुर, कीर्तिपुर, चोभारबाट देवदेवताहरु बोलाई ललितपुरको नागबहालमा ल्याएर सँगै पूजा एवं दानप्रदान गर्ने परम्परा रहेको छ । यसका लागि दिपंकर बुद्ध, अवलोकितेश्वर, बसुन्धरा देवी, आर्य तारा लगायतका देवदेवीहरुलाई विशेष आमन्त्रण गरेर पूजास्थलमा भेला गराइन्छ । यस पर्वलाई हिरण्यवर्ण महाविहार क्वाबहालका विभिन्न बौद्ध पर्वहरु मध्ये एक अद्वितीय पर्व भएको बताइएको छ ।पाटनका विहार र बहीमा रहेका भगवान बुद्धका मुर्तीहरुलाई नागबहालमा ल्याएर सम्यक महादान हुनेगर्छ। सबै प्राणीहरुमा एकताका लागि मनाइँदै आएको सम्यक महादानलाई बुद्धका विभिन्न स्वरुपमध्य दिपंकर बुद्धको पर्व पनि भन्ने गरिन्छ। अायाेजकहरूका अनुसार फागुन १४ गते बुधबार बेलुकी ७ बजे ती देवताहरु पाटन दरवार क्षेत्रमा भेला गराइ राती १० बजे नागबहालमा बिराजमान गराइने र १५ गते बिहिबार मूल आयोजक व्यक्तित्वहरु अथवा आःजुहरुद्वारा पूजा गरी सम्यक महादन पर्व सम्पन्न हुन्छ । सम्यक महादान पर्वमा भक्तालुहरुले चामल, गहुँ, नुन, केराउ, औथा (रोटी), मूलाको तरकारी, सियो र धागो, फलफूल, खीर र दक्षिणा दान गर्ने गरिन्छ । सम्यक महादानको सुरुवात 'बोधिसत्वको प्रारम्भ त्यागबाट हुने मान्यता अनुसार सम्यक महादान पर्व मनाइँदै आएको हो' सम्यक महादानको सुरुवात हिरण्यवर्ण महाबिहारमा स्वर्ण मन्दिर स्थापना गर्ने राजा भाष्करदेब बर्माकै खलकका एकजना भलिभारो नाम गरेका ब्यक्तिले सात सय वर्ष अघि सुरुवात गरेको विश्वास गरिन्छ । पौराणिकमान्यता अनुसार भलिभारो अति नै दरिद्र रहेको र उसले गोबर समेत भण्डार कोठामा राख्ने गर्थे। श्रीमतीसँग समेत गोप्य राख्दै उनले भण्डारमा गोबर जम्मा पारेका थिए। एकदिन श्रीमतीले भलिभारो बाग्मतीमा स्नान गर्न गएका बेला भण्डारको चाबी भेटछिन्। भण्डारमा गोबरको साटो सुनले भरिएको श्रीमतीले पाइछन्। त्यसपछि भलिभारोले आफ्नौ दरिद्रतामा पश्चताप गर्दै गुठी स्थापना गरी सम्यक महादानको सुरुवात गरेको मान्यता रहँदै आएको छ । सम्यक महादान बि.सं. १७६१ सम्म वर्षेनी मनाउँदै आए पनि हिरण्यवर्ण महाबिहारको आयस्रोतले नपुग्ने भएपछि चारवर्ष पुरा भएको बर्ष आयोजना हुनेगर्छ। उपत्यकाका तीनै शहरमा मनाइने सम्यक महादान पर्व काठमाडौंमा १२ वर्षमा ललितपुरका पाँच र भक्तपुरमा बर्षेनी मनाइन्छ।

न्याखाचोकमा भिक्षु महासंघबाट महापरित्राण पाठ

बाैध्द-गतिविधि
ललितपुरको १६ वडा स्थित न्याखाचोकमा महापरित्राण पाठ सम्पन्न भएको छ ।
हिजो शनिवार सबै टोलवासि, ज्ञाति बन्धुहरूको सहित सबै सत्वहरूको सुखशान्ति र निरोगी कामना गरि पुजनीय भिक्षु महासंघबाट “ महापरित्राण पाठ “गराइएको हो ।
न्याखोकबाट बुद्धमूर्तिलाई बाजागाजा सहित विभिन्न टोलहरु परिक्रममा गराई पुन न्याखोकमा नै आएर बुद्धमुर्तिलाई महापत्रिाणको मण्डपमा राखिए पछि श्रद्धेय भिक्षु शीलभद्र महास्थविरबाट पंचशील प्रदान गर्नुभई महापरित्राणपाठको कार्य सुरु भएको थियो । दिनभर नै भएको महापरित्राण पाठमा भिक्षु तपस्सीधम्म महास्थविरबाट बुद्धपुजा गराउनु भएको थियो । महापरित्राण पाठ संयोजक भिक्षु भद्दिय महास्थविरबाट कार्यक्रम सुरु गर्नु भएको थियो ।
न्याखाचोक निवासी बुद्धरत्न शाक्य तथा सपरिवारबाट आयोजना गरिएको महापरित्राणमा, महापरित्राण पाठ कार्यक्रमका संयोजक भिक्षु भद्दीय महास्थविरबाट धर्मदेशना गर्नु भएको थियो । उहाँले धर्मदेशना गर्नुहुँदै भन्नुभयो ः हामीले आफुलाई गरेको गुणलाई हामीले सम्झिने गर्नु पर्दछ । चाहे त्यो आमा बुबाको होस चाहे दाजु भाईको होस वा जसले आफुलाई गुण गरेको छ त्यसलाई सम्झने गर्नु पर्दछ । गुणलाई सम्झिने मात्र हाम्रो घर परिवार, समाजमा शान्ति सुख हुने बताउनु भयो ।
त्यसैगरि उहाँले भन्नुभयो ः रुखमा भएको फल रुखले खाँदैन सारा प्राणीहरुलाई ख्वाउने गर्दछ । तसर्थ रुखले जसरी आफुले नखाएर अरुलाई ख्वाइरहेको छ त्यसरी नै हामीलेपनि अरुलाई उपकार गर्नु पर्दछ भनेर रुखले हामीलाई सिकाइरहेको छ । भगवान बुद्धले पनि आफ्नो चक्रवर्ति हुने सौभाग्यलाई सारा प्राणीको उद्धार गर्न गृहत्याग गरेर बुद्ध हुनु भयो भन्नु हँुदै हामी पनि सबैको उपकार गर्ने कार्यमा ाग्नु पर्ने बताउनु भयो ।
मुख्य दाता शाक्यले महापरित्राण पाठ आयोजनाबारे जानकारी दिनु हँुदै भन्नुभयो ः हामीहरुले पुण्यसंचय भन्ने एउटा संस्था खालेका थियौं । त्यसबाट समय समयमा विहारमा गएर भोजन दान गर्ने गर्दै आइरहेका थियो । यसैक्रममा हालै नागबहालमा भएको महापरित्राण पाठ, काठमाडौंमा भएको महापरित्राणमा सहभागी हुँदा मलाई पनि महापरित्राण गर्ने इच्छा भएर आएको थियो । साथै यस कार्यले सर्बैलाई दान गर्ने , परित्राण सुन्न अवसर प्राप्त हुने र सबैको मन पनि प्रशन्न तथा सफा हुनेछ भन्ने उद्देश्य सहित महापरित्राण पाठको आयोजना गरिएको हो।
महापरित्राण भनेको के हो ?
महापरित्राणमा बुद्धकालिन पाली भाषामा संग्रहित त्रिपिटक अन्तर्गत सुत्र पिटकमा रहेका मौलिक बुद्ध वचनका ३० वटा सुत्र उपदेशहरु रहेका छन् । यसै सुत्र उपदेशलाई नै भिक्षु महासंघबाट दिनभर अटुत रुपले पाठ गर्ने कार्यलाई नै महापरित्राण पाठको रुपमा लिइआएको छ ।
यस महापरित्राण अन्र्तगत रहेका ३० वटा सूत्रहरु यस प्रकार रहेको छन ।
१.सरणगमन,ं २. दशस्क्खिापदानि, ३. सामणेर पञ्हो, ४.द्वतिंसाकारो, ५( पच्चवेक्खणा, ६. दसधम्म सुत्तं, ७. महामंगल सत्तं, ८. सतन सत्तं, ९. करणीय मेत्त सुत्तं, १०. खन्ध परितं, ११. मेत्त सुतं, १२. मेत्तानिसंस, १३.मोर परित्तं,१४. चन्द परित्तं, १५. सुरिय परित्तं, १६. धजग्ग परितं, १७. महाकस्सपत्थेर बोज्झगं सुत्तं, १८. महामोग्गल्लानत्थेर बोज्झगं सुत्तं, १९. महाचुन्दत्थेर बोज्झगं सुत्तं, २०. गिरिमानन्द सुत्तं, २१. इसिगिलि सुत्तं, २२.धम्मचक्कपवत्तन सुत्तं, २३.महासमय सुत्तं, २४.आलवक सुत्तं, २५.कसीभारद्वाज सुत्तं, २६. पराभव सुत्तं, २७. वसल सुत्तं, २८.सच्चविभंग सुत्त,ं २९. आतानाटिय सुत्तं (क), ३०. आतानाटिय सुत्तं (ख) ।







विश्व शान्तिको कामना गर्दै थाइल्यान्डका धुतांगधारी बौद्ध भिक्षुहरुबाट स्वयम्भूदेखि लुम्बिनीको पैदल यात्रा सुरु

बाैध्द-गतिविधि
विश्व शान्तिको कामना गर्दै थाइल्यान्डका धुतांगधारी ४५ जना बौद्ध भिक्षुहरुले बिहिबार काठमाडौँको स्वयम्भूदेखि लुम्बिनीको पैदल यात्रा सुरु गरेका छन ।
स्वयम्भूको आनन्दकुटी महाविहारबाट यात्रा सुरु गरेका भिक्षुहरुले प्रत्येक दिन २५ देखि ३५ किलोमीटर पैदल यात्रा लुम्बिनीसम्मको ३ सय ३० किलोमीटर दूरी पैदल यात्रा गरी १८ दिनभित्र सकाउने योजना बनाएका छन् । भिक्षुहरुको पैदल यात्रा कनकमुनि बुद्धको जन्मभूमि निग्लिहवा पुगेर समापन हुनेछ ।
शान्ति पदयात्राको क्रममा उहाँहरुले सबैभन्दा पहिला स्वयम्भू महाचैत्य परिक्रमा गरि बुद्ध पुजा गरेर आनन्दकुटी बिहारबाट ४५ जना भिक्षुहरु लुम्बिनीको निग्लिहवासम्मको शान्ति पदयात्राको निम्ति फागुन १ गते बिहान निस्केका हुन् ।
पहिलो दिन धुतांगधारी भिक्षुहरु बौद्धमा जानुभएको र त्यहाँ पनि बुद्ध पुजा गर्नुभएको थियो भने नर: बुद्ध विहारमा भोजन दान गरिएको थियो । यस पदयात्रामा स्वयम्भूदेखि लुम्बिनीसम्म शान्तिदीप पनि साथै लगिने र साँझपख बास बस्ने विभिन्न स्थानमा शान्तिदीप प्रज्वलन गर्न स्वयम्भूबाटै शान्तिदीप बालेर हिंडेका थिए ।
थाइल्याण्डका ४५ भिक्षुलाई चावहिलस्थित चारुमती विहारमा स्वागत गर्दै यात्राको सफलताको शुभकामना दिइएको छ । लुम्बिनीतर्फ हिडेका थाइल्याण्डका भिक्षुहरुलाई चारुमती बुद्ध विहारका प्रमुख तपस्सी धम्मले स्वागत गर्दै यात्राको सफलताको शुभकामना दिएका थिए । शान्ति पदयात्रा थाइल्यान्डका भिक्षु सोमछाइ महास्थविरको नेतृत्वमा हिंडेको हो । यस क्रममा आवश्यक बस्ने सुत्ने लाउने सामानहरु भिक्षुहरु आफैंले बोकेका छन् । पहिलो ४ दिन काठमाडौं उपत्यकाका विभिन्न स्थानमा पदयात्रा गर्ने कार्यक्रम रहेको छ भने बौद्ध तीर्थस्थलहरु बौद्ध सम्पदाहरु भएर पदयात्रा गरिने छ भने त्यस्ता स्थानहरूमा बुद्ध पुजा धर्म देशना समेत गर्ने कार्यक्रम रहेको बताइएको छ ।

चाबहिलमा गुन्जियो अन्तर्राष्ट्रिय त्रिपिटक वाचन

बाैध्द-गतिविधि
चाबहिलस्थित चारुमती विहारमा अन्तर्रािष्ट्रय त्रिपिटक वाचन सम्पन्न भएको छ । चारुमती बुद्धिष्ट मिसन नेपाल र थाइ इण्डो चाइना फ्रेण्डसिप एशोसिएशनको संयुक्त आयोजनामा भएको अन्तराष्ट्रिय त्रिपिटक वाचन कार्यक्रममा भारत, श्रीलंका, थाइल्याण्ड, म्यान्मार, कम्बोडिया, लाओसका ७० जना बौद्ध धर्मगुरु सहित नेपालका बौद्ध भिक्षुहरु, लामाहरु र गुरुजुहरुबाट एकैसाथ त्रिपिटक वाचन गरिएको थियो ।
त्यसैगरि राष्ट्रिय सभा गृहमा दिउँसो १ बजे देखी ५ बजे सम्म अन्तराष्ट्रिय त्रिपिटक पूजा पाठकाे उपलक्ष्यमा साथै विभिन्न साँस्कृतिक कार्यक्रमहरु समेत प्रस्तुत गरिएको थियो । सो कार्यक्रममा काठमाण्डु नगरपालिकाका प्रमुख विद्या सुन्दर शाक्य, उप प्रमुख हरीप्रभा खड्गी श्रेष्ठ तथा श्री लंकाका राजदूतको सहभागी रहेको थियो ।
प्रचारप्रसारका लागि साइकल यात्रा
पर्यटन २०२० को उपलक्ष्यमा काठमाण्डु उपत्यकामा रहेको अशोक कालीन चैत्य तथा विहार सम्पदालाई अन्तर्रािष्ट्रयस्तरमा प्रचार प्रसार , संरक्षण गर्ने उदेश्य सहित माघ २५, २६ आयोजित अन्तर्रािष्ट्रय त्रिपिटक वाचन कार्यक्रमको प्रचार गर्न माघ २५ गत साइकल यात्रा गरिएको थियो । चारुमती बुद्धिष्ट मिसन नेपाल र थाइ इण्डो चाइना फ्रेण्डसिप एशोसिएशनको संयुक्त आयोजनामा भएको उक्त कार्यक्रमको नेपाली काँग्रेसका केन्द्रीय सदस्य गगन थापा, नेपालका लागी श्री लंकाका राजदूत हिमालि अरुणातिलकर कार्यक्रमका संयोजक तथा चारुमती बुद्धिष्ट मिसन नेपाल अध्यक्ष तपस्सिधम्म महास्थविरले संयुक्त रुपमा शुभारम्भ गरेका थिए ।
चाबहिलदेखि शुरु भएको एकसय भन्दा बढीको सहभागीता रहेको साइकल यात्रा गौशाला, एयरपोर्ट, ग्वार्को, सातदोबाटो, लगनखेल स्तूप हुँदै विभिन्न बौद्ध सम्पदास्थलमा पुगेर चारुमती विहारमै फर्किएको थियो । कार्यक्रमबारे बुद्धवाणीसंग कुराकानी गर्दै कर्यक्रम संयोजक तपस्सिधम्म महास्थविरले भन्नुभयो ःअशोक कालीन चैत्य तथा विहार प्राचीन सम्पदास्थल भएकाले त्यसको संरक्षणमा आफू क्रियाशील रहेको बताउनु हँुदै यसको विकास र्रािष्ट्रय तथा अन्तराष्ट्रिय तहमा यसको प्रवर्द्धन गर्ने उद्देश्यले अन्तराष्ट्रिय त्रिपिटक वाचन कार्यक्रमको आयोजना गरिएको बताउनु भयो । समाजमा सकारात्मक चिन्तनको विकास गर्न बौद्ध दर्शनको महत्व रहेको बताउनु हुँदै विभिन्न देशका बौद्ध भिक्षुहरु सहित राजदूतको समेत सहभागिता रहेको यस कार्यक्रमले बुद्धशिक्षाको प्रचारको साथै नेपाल भ्रमण वर्षलाई समेत सहयोगी हुने बताउनु भयो ।




भक्तपुरस्थित मुनि विहारमा ८३ जना कुलपुत्रहरूलाई प्रबज्या कार्यक्रम भव्यताकासाथ सम्पन्न

Main News
भक्तपुरस्थित मुनि विहारमा ८३ जना कुलपुत्रहरूलाई प्रबज्या कार्यक्रम भव्यताकासाथ सम्पन्न भएको छ ।
आज मुनी विहारमा विहार प्रमुख एवं आचार्य भिक्षु विपस्सी महास्थविरबाट पंचशील प्रदान गरि सुरु भएको प्रब्रज्या कार्यक्रममा ८३ जना कुलपुत्रहरूलाई थाइलाण्डबाट आउनु भएका भिक्षु भिक्षुणी तथा उपासक तथा उपासिकाहरु तथा मुनी विहारका दाताहरुबाट सामूहिक रुपमा चिबर दान गरिएको थियो । चीबर दान प्राप्त भएपछि ८३ जना कुलपुत्रहरूले भिक्षुसंघ समक्ष प्रब्रजयाकोलागी प्रार्थना गरीयो । प्रार्थना पछि भिक्षुसंघबाट ८३ जना कुलपुत्रहरूलाई चीबर लगाइ दिएर प्रबजित गरी दिएका थिए । प्रबज्या ग्रहणपछि सबै नव प्रब्रजित श्रामणेरहरू सहित उपस्थित सबै भिक्षु भिक्षुणी उपासक उपासिकाहरुलाइ भोजन दान गरिएको थियो ।
भोज दानपछि विभिन्न बौद्धदेशबाट पाल्नुभएका भिक्षुगण ,अनागारिका तथा उपासक उपासिका तथा नव प्रव्रजित भन्तेहरूलाई बाजागाजा सहित भक्तपुर नगरमा रहेका विहार बहि, पाँचतल्लेमन्दिर, ५५ झ्याल, भक्तपुर दरवारको अवलोक एवं परिक्रमा गरि पुन मुनी विहारमा आगमन भएका थियो ।
आजको कार्यक्रमकोलागी आवश्यक पात्र चीबर सबै व्यवस्थापनको जिम्मा थाइ इन्दो चाइना फ्रेण्डशिप एसोसियसनका उपासक उपासिकाहरुले गर्नु भएको थियो । यस कार्यक्रमकोलागी थाइलाण्डबाट दाताहरु ७५ भिक्षु भिक्ष्ुाणी उपासक उपासिकाहरु आउनु भएको थियो ।
मुनी विहारका प्रमुख एवं आचार्य भिक्षु विपस्सी महास्थविरबाट आजको कार्यक्रमकोबारे जानकारी दिनु हुँदै भन्नुभयो ः नेपाल इतिहासमा सबैभन्दा पहिले २०२३ सालमा यसै विहारमा प्रब्रजित कार्यक्रम गरिएको थियो । बुद्धधर्मलाई जिवन्त राख्न नव आगन्तुकहरुहरुको आवश्यकता पर्दछ । नयाँ पुस्ता रहे मात्र बुद्धधर्म पनि रहन्छ । अर्थात हामी अहिले बुद्धधर्मको नयाँ बुद्धधर्मको नयाँ पालुवा विकास गर्न लागीरहेका छौं वा बनाइरहेका छौं । लागी २०६० सालमा भिक्षु तालिम केन्द्र स्थापना गरेर प्रत्यक बर्ष प्रब्रजित कार्यक्रम गर्दै आइरहेका छौं र आजको प्रब्रज्या कार्यक्रम यसैको निरन्तरता हो । अहिले सम्म ३०० सय जना भन्दा बढी कुलपुत्रहरु प्रब्रजित भएर थाइलाण्डमा अध्ययन गरिरहेका छन् । भने यस विहारमा मात्रै १०० जना भन्दा बढी भिक्षुहरु रहेका छन । अर्थात नेपालमा सबैभन्दा बढी भिक्षुहरु भएको विहार हो ।
उहाँले आजको दाताबारे जानकारी दिनु हुँदै भन्नुभयो ः थाइ इन्दो चाइना फ्रेण्डशिप एसोसियसनका अध्यक्ष सोसियसनका अध्यक्ष वरोवान उपासिकाले मलाई नेपालमा हामीले सहयोग गर्नु परेमा के कस्तो सहयोग गरे राम्रो हुन्छ भनेर सोधेको थियो । त्यसै क्रममा मैले मनी विहारमा भइरहेको प्रब्रज्या कार्यक्रममा सहयोग गर्नुस न भनेर भनेका थिए । अनि उहाँले के सहयोग चाहिन्छ भनेर प्रश्न गर्दा मैले पात्र र चिबर दान गर्नु भनेका थिए । उहाँहरुले बर्ष एकपटक सहयोग गर्न आउछु भनेर बचन दिनु भएको थियो । आज त्यही बचन अनुसार उहााहरु शनिवार नेपाल आउनु भएको थियो र साथमा आजकोलागी आवश्यक सबै पात्र चिबर सबै लिएर आउनुु भएको हो ।यसको साथै उहाँहरुले सामूहिक दान दिने पनि कार्यक्रम रहेको छ र भोली बौद्धमा भिक्षाटन गराउने उहाँहरुको कार्यक्रम रहेको छ । यसरी श्रद्धापूर्वक सहयोग गर्नु भएकोमा उहाँहरुलाई यसरी पुण्यकार्यमा सधैं अगाडी बढीरहोस भन्ने कामना सहित मंगलमय, सुखमयको पनि कामना गर्दछु ।







काठमाडौं महानगरपालीकाबाट नेपाल बज्रयान विहारलाइ ४ करोड २९ लाख १८ हजारको चेक हस्तान्तरण

बाैध्द-गतिविधि
काठमाडौं महानगरपालीकाबाट लुम्बिनीमा निर्माण भइरहेको नेपाल बज्रयान विहारलाइ काठमाडौं अार्थिक सहयाेगस्वरुप ४ करोड २९ लाख १८ हजारको चेक हस्तान्तरण गरिएकाे छ । काठमाडौंको खुसिबुस्थित नेपा: बैंक्वेटमा आयोजित विशेष कार्यक्रममा काठमाडौं महानगर पालिकाका मेयर विद्या सुन्दर शाक्यले बज्रयान विहारका प्रमुख प्रा. डा. नरेश मान बज्राचार्यलाई उक्त चेक हस्तान्तरण गरेकाे हाे ।
चेक हस्तान्तरण पछि काठमाडौं महानगरका मेयर विद्या सुन्दर शाक्यले बोल्दै “लुम्बिनी विश्व बौद्ध जगतको निम्ति महत्त्वपूर्ण स्थल हो । त्यहाँ बनिरहेको नेपाली बिहारलाई निर्माण गर्नको निम्ति सहयोग गर्नु हाम्रो पनि दायित्व हो” भने । उनले यस विहारको बाकी निर्माण कार्यको निम्ति पनि आफ्नो महानगर पालिकाले सहयोग गर्ने बताए ।
। कार्यक्रममा बोल्दै महाविहार प्रमुख प्रा. डा. नरेश मान बज्राचार्यले भन्नुभयो ” हाम्रा पूर्खाले धेरै सम्पदा बनाएर गए तर कुनै विदेशी अनुदान लिएको थिएन । त्यसैले हामीले लुम्बिनीमा निर्माण गरेको विहारको निम्ति पनि कुनै सहयोग लिन चाहेनौं र नेपालकै जनताको लगानीमा यो विहार निर्माण गर्दै आएको हो । आज काठमाडौं महानगरले यसलाई अपनत्व सम्झेर हामीलाई आर्थिक अनुदान गरेको छ यो गर्वको विषय हो । यसभन्दा अगाडि नेपाल सरकारको पनि विहारप्रति अपनत्व विकास हुनुपर्छ भनेर हामीले प्रयास गरेका थियौं। हामीले लाचार भएर सहयोग मागेको भने हैन ।”
कार्यक्रममा काठमाडौं महानगर पालिकाका उप-मेयर हरिप्रभा खड्गीले स्वागत मन्तव्य राख्दै महानगर पालिकाको सम्पदा क्षेत्रमा गरिरहेको कार्य बारे आफ्नो भनाइ राखेका थिए।
मन्ततव्यको क्रममा लुुुम्बिनी विकास कोषका उपाध्यक्ष मेत्तेय भिक्षुले काठमाडौं महानगर पलिकाको अनुदानको सरहना गर्दै लुम्बिनी बिकास कोषले मायादेवी कोष स्थापना गर्न लागेको र यस कोषलाइ लुम्बिनीको कार्य सम्पादनमा प्रयोग गर्ने बताए । कार्यक्रममा लुम्बिनी सांस्कृतिक नगरका प्रमुख मनमोहन चौधरीले शुभकामना मन्तव्य राख्दै आफ्नो कार्य क्षेत्र बाहिर गएर लुम्बिनीमा समेत सहयोग पुर्‍याउने कार्य गरेकोमा धन्यवाद ज्ञापन गरे.
कार्यक्रमको अन्त्यमा नेपाल वज्रयान विहारका तर्फबाट प्रा. डा.वज्राचार्यले मेयर विद्यासुन्दर शाक्यलाई लुम्बिनीस्थित वज्रयान विहारमा निर्माण गरिएको चैत्यको प्रतिमूर्ति मायाको चिनोको रुपमा प्रदान गरे ।
कार्यक्रममा लुम्बिनी सांस्कृतिक नगर पालिकाका मेयर मनमोहन चौधरी , संंघीय सांसदहरु जीवनराम श्ररेष्ठ बिना श्रेष्ठ , प्रदेश सांसद डा. अजयक्रान्ति शाक्य पूर्वमन्त्री बुद्धि राज बज्राचार्य लगायतका व्यक्तिहरु अतिथिको रुपमा उपस्थिति रहेकाे थियो ।



राजसंस्थाView All

राजा रानी बाट अाज भारतको अमृतसरस्थित शिखहरुको पवित्र तीर्थस्थल ‘स्वर्ण मन्दिर’को दर्शन

राजा ज्ञानेन्द्र बीर बिक्रम शाहदेव तथा रानी काेमल राज्य लक्ष्मी देवी शाहबाट अाज बिहीबार भारतको अमृतसरस्थित शिखहरुको पवित्र तीर्थस्थल ‘स्वर्ण मन्दिर’को दर्शन गरिबक्सेकाे छ । माैसुफहरूलाई स्वर्ण मन्दिर परिसरमा श्री […]

राजाबाट प्रजातन्त्रलाई आफ्नो स्वार्थ अनुरुप प्रयोग नगर्न दलहरूलाइ चेतावनी दिइबक्सेको छ

राजाबाट प्रजातन्त्रलाई आफ्नो स्वार्थ अनुरुप प्रयोग नगर्न दलहरूलाइ चेतावनी दिइबक्सेको छ । ७० राष्ट्रिय प्रजातन्त्र दिवसको अवसर पारेर राजाबाट देशवासीको नाउँमा बक्सेको सन्देश कुरा उल्लेख गरिबक्सेको हो । राजाबाट भनिबक्सेको […]

राजारानी अाज दिल्ली सवारी हाेइबक्सेकाे छ ।

राजा ज्ञानेन्द्र बीर बिक्रम शाहदेव तथा रानी काेमल राज्य लक्ष्मी देवी शाह दुई साताभन्दा लामो धार्मिक तथा सामाजिक भ्रमणकाेलागी अाज। आइतबार साँझ विस्तारा एयरलायन्सको विमानबाट दिल्ली सवारी हाेइबक्सेकाे छ । […]

राजा रानी दार्जिलिङ सिक्किम को भ्रमणमा सवारी हाेइबक्से

राजा ज्ञानेन्द्र बीर बिक्रम शाहदेब तथा रानी कोमल राज्यलक्षमी देवी शाहर साताब्यापी भारतको दार्जिलिङ र सिक्किमको यात्रामा सवारी हाेइबक्सेकाे छ । मौसुफहरू आइतबार बिहान झापाबाट सिलिगुडीतर्फ प्रस्थान गरिबक्सेको हाे । […]

बाैध्द-गतिविधिView All

ठेचाेमा “ज्ञानमाला बौद्ध जागरण कार्यक्रम ” सम्पन्न

ललितपुरक्षेत्रीय उप समितिको आयोजनामा तथा ग्वाननी ज्ञानमाला भजन खल: को ब्यवस्थापनमा ठेचाेमा “ज्ञानमाला बौद्ध जागरण कार्यक्रम ” सम्पन्न भएकाे छ । नेपाल राष्ट्रिय ज्ञानमाला समितीद्वारा गठित ललितपुरक्षेत्रीय उप समितिको आयोजनामा […]

बौद्धहरुको महान् उत्सव इतिल्हने सम्यक पर्व फागुन १४ र १५ गते आयोजना हुँदैछ ।

ललितपुर, फागुन ७ । सातसय वर्षदेखि आयोजना हुँदै आएको बौद्धहरुको एक महान् उत्सव इतिल्हने सम्यक पर्व यो वर्ष आउँदो ने सं ११४० चिल्लाथ्व तृतिया र चतुर्थी अर्थात् वि सं २०७६ […]

न्याखाचोकमा भिक्षु महासंघबाट महापरित्राण पाठ

ललितपुरको १६ वडा स्थित न्याखाचोकमा महापरित्राण पाठ सम्पन्न भएको छ । हिजो शनिवार सबै टोलवासि, ज्ञाति बन्धुहरूको सहित सबै सत्वहरूको सुखशान्ति र निरोगी कामना गरि पुजनीय भिक्षु महासंघबाट “ महापरित्राण […]

विश्व शान्तिको कामना गर्दै थाइल्यान्डका धुतांगधारी बौद्ध भिक्षुहरुबाट स्वयम्भूदेखि लुम्बिनीको पैदल यात्रा सुरु

विश्व शान्तिको कामना गर्दै थाइल्यान्डका धुतांगधारी ४५ जना बौद्ध भिक्षुहरुले बिहिबार काठमाडौँको स्वयम्भूदेखि लुम्बिनीको पैदल यात्रा सुरु गरेका छन ।स्वयम्भूको आनन्दकुटी महाविहारबाट यात्रा सुरु गरेका भिक्षुहरुले प्रत्येक दिन २५ देखि […]

राजनीतिView All

/ राजनीति

भएका ईतिहास मेट्दै नयाँ निर्माण गर्नु हुँदैन , पूरानालाई नै संरक्षण गर्दै जानू पर्दछ : राष्ट्रपती बिद्या भण्डारी

माघ -२५ राष्ट्रपती बिद्या भण्डारीबाट २०७२ बैशाख १२ गएको बिनासकारी महाभूकम्प र तत्पश्चातका पराकम्पणबाट ध्वस्त बनाएको ऐतिहासिक मरुसत्त:(भुतिसत:/काष्ठमण्डप)को भैरहेको पूनर्निर्माण कार्यको स्थलगत निरिक्षण गर्नु भयो । भुकम्पले बिगारेका ऐतिहासिक, धार्मिक […]
/ राजनीति

पाटनकाे सुन्धारा सडक लामो समयसम्म कालोपत्र नभएपछि स्थानीयबासीबाट चरणबद्ध आन्दोलन गर्ने तयारीमा

२५ माघ ०७६,सुन्धारा । सुन्धारा सडक लामो समयसम्म कालोपत्रे नगरेपछि पाटनबासीले विरोधस्वरुप साइनबोर्ड राखेर विरोध जनाएका छन् । विगत दुई बर्षदेखि भत्केको सडक कालोपत्र नगर्दा आक्रोसित स्थानीयबासीले विरोधस्वरुप यो बोर्ड […]
/ राजनीति

नेवाः विरोधि राज्यसत्ता विरुद्ध नेवा समुदायबाट माघ १६ गते बिशाल खबरदारी सभा

शहिद दिवसको दिन अर्थात माघ १६ गते बिहिबार नेवा समुदायले खरदारी सभा गर्ने भएको छ । पहिचान पक्षधर नेवाः आयोजकहरुका अनुसार १६ गते बिहिबार २ः३०मा वंघमा शहिदहरुको सपना राज्यबाट वेवास्ता […]
/ राजनीति

सामाजिक सञ्जाल सम्बन्धि विद्येयकबाट सरकारले भजन मण्डली तयार गर्न लागे

काठमाडौं । राष्ट्रिय प्रजातन्त्र पार्टी (संयुक्तं) ले सामाजिक सञ्जाल सम्बन्धि विद्येयकबाट सरकारले भजन मण्डली तयार गर्न लागेको ठहर गरेको छ । सो पार्टीले प्रस्तावित कानुनको खारेजीको माग समेत गरेको छ […]

विविधView All

/ विविध

दुनियाकै सबैभन्दा ठूलो आवासीय बौद्ध विद्यालय

चीनको चेंगदु नजिकै रहेको लारुङ गार बुद्धिस्ट एकेडेमीमा ४० हजार विद्यार्थी छन् । झन्डै एक गाउँजस्तै देखिन्छ यो एकेडेमी । घरको छाना र रंग रातो देखिन्छ । दानबाटै बनेको यो […]
/ Main News / विविध

रातको समयमा केही कुरा पोलिएको चर्को गन्ध , केको गन्ध हो भन्ने अझै यकिन भइसकेको छैन

काठमाडौं उपत्यकाका बासिन्दा केही दिनयता रातको समयमा केही कुरा पोलिएको चर्को गन्धले आजित भएको गुनासो गर्न थालेका छन् । यस्तो गन्ध एउटा टोलमा मात्र नभएर विभिन्न ठाउँमा अनुभव गरिएको छ […]
/ विविध

रक्सीकै लागि आफ्नै छोरालाई २५ हजारमा बेचे

दुर्व्यसनमा फसेपछि कस्को के लाग्छ र ? उनीहरु आफ्ना बाबु– छोराछोरी केही देख्दैनन् । अकल्पनीय घटना समेत घटाउँछन् उनीहरु । यस्तै एउटा घटना छ, जुन सुन्दा सबैलाई अचम्मित पार्छ । […]
/ विविध

लामा वांगडोर रिम्पोंछेले लियाे समाधि, ७ दिन पछि पनि मृत शरीर ताजा नै

जिगर बौद्ध मंदिर रिवालसर काे प्रमुख लामा वांगडोर रिम्पोंछे उर्फ ओंगदू १८ सितम्बर को बिहान 2 बजेर ५२ मिनटमा अाफ्नाे देह त्याग गरेर समाधिमा लीन हुनुभयाे , याे खबर फैलना […]
Go to Top